"Учирт гурвалжин" ххк E-Mail:uchirtgurvaljin@gmail.com

"Учирт гурвалжин" ххк E-Mail:uchirtgurvaljin@gmail.com

Monday, 30 November 2015

Гарцаагүй тохиолдолд мэдхэд илүүдэхгүй л зүйл



Toyota Alphard Түгээмэл асуугддаг асуултын хариулт

Ерөнхий танилцуулга

Тоёота Альфард машин нь 2002 онд анх Япон улсад өргөнөөр үйлдвэрлэгдэн худалдаалагдаж, одоог хүртэл сайжруулалт хийгдсээр дэлхийн 70 гаруй улсад борлуулалтын хэмжээгээр Приус, Ланд Круйзерын дараа орж амжилттай борлогдож байна. Хайбрид Альфардын баттерэйны хувьд 160.000км баталгаатай үйлдвэрээс гардаг бол цахилгаан мотор нь үйлдвэрээсээ 240.000км-ын баталгаатайгаар үйлдвэрлэгддэг ба энэ нь дунджаар 10 жилийн баталгаатай гэсэн үг юм.

Аюулгүй байдал хэр вэ?

Альфард бол Toyota компанийн сүүлийн жилүүдэд бүтээсэн тэрэг учраас орчин үеийн сонирхолтой системүүд бараг бүгд бий. Тоормосны ABS (Anti-Lock Brake System) системтэй. Бас жолоочийн
болон зорчигчийн ослын дэртэй. Эргэлтийн үед шарвахаас хамгаалсан VSC (Vehicle Stability Control) системтэй. Хамгийн гол нь хэлбэр муутай гэж яригддаг. Гэвч
Альфардын хэлбэр аеродинамикын байж болох хамгийн зөв хийцтэй учраас бензин зарцуулалт багатай, тав тухтай байдлыг эрхэмлэдэг байна.

Арчилгааны талаар...

Тухайн жолоочийн өөрийн арчилгаанаас шалтгаална. Онцгойлох зүйл нь хөргөлтийн шингэнийг тогтмол шалгаж байх хэрэгтэй.

Дутагдалтай тал нь...

Хайбрид Альфардын тухайд цахилгааны гэмтэл голдуу байдаг ба манай оронд 100% оношилж чаддаггүй.

Давуу тал нь...

Мэдээж эдийн засгийн хэмнэлттэй, үйлдвэрийн стандартаар 100 км замд 8-10л шатахуун зарцуулагдах нормтой байдаг. Манай орны замын нөхцөл байдал цаг уур мөн шатахууны чанараас шалтгаалан өөр үзүүлэлт гардаг. Ихэнхдээ Монгол оронд Хайбрид систем нь зундаа 100 км-т 10-11л шатахуун зарцуулсан байдаг өвлийн улиралд 100 км-т 16-аас дээш зарцуулдаг байна. Энэ нь тухайн машины нөхцөл байдлаас /Дулаан гараашд байдаг эсвэл тоосгон гарааш, гадаа ил зогсоолд тавьдаг/ шалтгаалан харилцан адилгүй байдаг. Хамгийн гол хүчин зүйл нь их явах (шулуун явах) тусам бензин бага зарцуулдаг.
Ихэнх жолооч нарын дунд түгээмэл байдаг нэг асуулт нь Хайбрид машин ус туулж чаддаггүй гэдэг буруу ойлголт юм. Альфард машин нь энгийн бензин хөдөлгүүртэй автомашинтай адилаар ус туулж чадна. Хамгийн гол нь жолоочийн ур чадвараас шалтгаалдаг. Тиймээс ус болон цасанд энгийн машинтай ижил туулах чадвартай гэж үздэг.

Агаар шүүгч болон коллектор яаж зөв цэвэрлэх, хэдий хугацаанд цэвэрлэх ёстой вэ?

Автомашины хөдөлгүүр нь агаар, бензинийг шахаж оч хаяснаар тэсэрч үүнээс үүссэн хүчээр тахир голыг эргүүлэн машин явдаг билээ. Тэгэхээр агаар шүүгчээр орж ирсэн агаар бохир байх тохиолдолд холимгийн хаалт дээр бохирдол үүсэж хөдөлгүүрийг хүчгүй болгох, доголтой болгох, бензин зарцуулалтыг нэмэх сөрөг нөлөөллүүд гарч ирдэг. Тиймээс агаар шүүгчийг 3000-5000 км тутамд нэг удаа солих, коллекторыг жилдээ 1-2 удаа цэвэрлэж байвал дээрх төрлийн сөрөг нөлөөлөл гарахгүй давуу талтай.
Хэрвээ та байнгын тоос, шороо ихтэй замаар явдаг бол дээрх давтамж илүү багасна гэдгийг анхаараарай. Агаар шүүгч нь салоны ба моторын гэж 2 байдаг ба энэ 2-г хамтад нь соливол илүү үр дүнтэй.

Моторын тос солих, ямар тос илүү тохирох вэ?

Моторын тосны хувьд улирал хамаарахгүй 5000 км тутамд солих хэрэгтэй. Ингэснээр моторын элэгдлийг бууруулах төдийгүй шатахуун зарцуулалт багасах давуу талтай. Өвөл зуны аль ч улиралд үйлдвэрлэгчээс зааж өгсөн тосны зэрэглэлтэй тосыг хийж байна уу? Энэ талаар Хайбрид машины хөдөлгүүрийн тос сэдэвт тодорхой бичсэн байгаа...

Яаж өндөрлөх вэ...

Пүршээр өндөрлөх: Таны машины доод эд ангид өөрчлөлт гарахгүй боловч аюулгүйн стандарт алдагдана. Уг машины өндрийн стандартыг үйлдвэрээс гаргахдаа боломжит хамгийн өндөр байдлаар хийсэн байдаг. Тоёота Альфард машин нь харьцангүй өндөр кузовтой байдаг учир хурдтай давхих үед төвөөс зугтах хүч илүү ихэссэнээр аюултай нөхцөл байдал үүсгэдэг. Энэ төрлийн өндөрлөгөөний сул тал үүгээр зогсохгүй амортизаторын ажиллагааг алдагдуулж, салонд дуу хурдан оруулдаг.
Дугуйгаар өндөрлөх: Хурдны хайрцгийн заалт буюу спидометр нь буруу ажилладаг мөн эргэлт хийх үед бүрэн маневр хийж чадахгүй хавирах зэрэг сөрөг нөлөө байдаг. Давуу тал нь мэдээж туулах чадвар сайжирна, донсолгоо бага мэдэрнэ.
Резин өндөрлөгөө: Машиныг өндөр болгох боловч резинэн материалаар хийгдсэн учир тээшний хэсэгт дуу оруулах магадлалтай. Бас хэсэг хугацааны дараа хатуурч ирдэг. Сүүлийн үед гарч байгаа пластик өндөрлөгч нь хөдөлгөөнгүй зориулалтын байдаг тул ингэж өндөрлөх нь пүрш ба резинээр өндөрлөснөөс арай илүү үр дүнтэй юм.

Мотор арчилгааны талаар...

Аливаа тээврийн хэрэгслийн зүрх болсон моторыг сайтар ажиглан арчлах хэрэгтэй. Ингэхийн тулд моторын аюулгүй ажиллагааг алдагдуулахааргүй байхын тулд моторын тосыг сайн шалгаж тогтоосон км хүрэхэд моторын тосыг солих шаардлагатай.

Баттерэйг хэрхэн шалгах вэ...

Альфард машины өндөр хүчдэлийн баттерэйг шалгахдаа тестер ашиглан нэг бүрчлэн мэргэжлийн газар шалгуулах хэрэгтэй.

Рулын аппаратын дууг арилгах боломжтой юу...

Рулын аппаратын дууг даруулж болно, гэхдээ машины аюулгүй ажиллагаа бүрэн алдагдаж осолд ороход бэлэн болно гэсэн үг юм. Хамгийн аюулгүй арга хэмжээ нь бол рулын апппаратыг шинээр солих билээ.

Антифризны сав цоороод шингэн алдсан тохиолдолд ямар арга хэмжээ авах вэ...

Хөдөлгөөнд оролцож байхад антифриз буюу хөргөлтийн шингэний сав хагарсан тохиолдолд машинаа унтраах арга хэмжээ авах хэрэгтэй. Хөргөлтийн шингэн нь цахилгаан помпоор дамжин машин асаалттай үед сэлж хөргөж байдаг. Хэрвээ хөргөлтийн шингэний сав цоороод хөргөлтийн шингэн асгарч удаан явбал цахилгаан помп болон цахилгаан мотор (инвертэр) шатах аюултай.

Альфардад тавьж болох дугуйны хамгийн том хэмжээ хэд вэ...

Обуднаас шалтгаалан дугуйны хэмжээ харилцан адилгүй байна. Альфард машины стандарт обудны хэмжээ нь 16 инч байдаг. Энэ обуданд 215/70/R16 хэмжээтэй дугуй хийхэд тохиромжтой.

Дэлгэцэн дээрх үндсэн хэлийг англи хэл рүү сольж болдог уу...

Дэлгэцэн дээрх япон хэлийг англи хэлээр солих боломжтой. Гэхдээ Монголд сольдог үйлчилгээ хараахан алга байна.

Гол болон их хэмжээний усаар гатлахад цахилгаан моторт хэрхэн нөлөөлөх вэ...

Хайбрид хөдөлгүүртэй машинаар болж өгвөл гол болон их хэмжээний усаар гатлахгүй байх хэрэгтэй.
1. -рт хайбрид авто машинаар их ус туулах, удаан хугацаагаар усан дотор зогсох зэрэгт цахилгаан системүүд гэмтэж болох аюултай. Хэдий уснаас хамгаалсан жийрэг таг бий боловч удаан хугацаанд ашиглагдсан зэргээс жийрэг хатуурах, задлаад ахин угсрахдаа битүүмжлэлийг дутуу хийснээс ус орох магадлалтай.
2. -рт хайбрид автомашин агаар шүүгчээрээ ус сорохдоо энгийн авто машинаас маш амархан байдаг байна. Яагаад гэхээр ихэнх энгийн автомашины агаар шүүгч хөдөлгүүрээс тусдаа байрлаж урт хоолойгоор агаараа соруулж авдаг бөгөөд энэ нь түргэхэн хугацаанд ус орсон ч агаар шүүгчийг нэвтэрч урт хоолойг дүүртэл сорогдтол нэлээн уддаг юм. Харин хайбрид автомашины хувьд урт хоолой хийх зайд хайбрид систем байрласан байдаг учир агаар шүүгчийг шууд хөдөлгүүрийн дээр хийсэн бөгөөд богино хоолойгоор агаар сорж байдаг. Өөрөөр хэлбэл агаар шүүгчийг ус нэвтэрлээ л бол ус шууд хөдөлгүүрт сорогдож орохоор байгаа юм. Ингэхэд хөдөлгүүр усанд унтарч зогсох боловч хайбрид систем ажиллаж цахилгаан хөдөлгүүрийн тусламжтайгаар уснаас гараад явна. Хэсэг хугацаанд цахилгаан хөдөлгүүр ажиллаж баттерэйн цэнэг багасаж бензин хөдөлгүүр асах хэрэгтэй болно. Энэ үед л таны хөдөлгүүрт ус ороод зогссон бол асахдаа эвдрэх болно. Яагаад гэхээр хайбрид нь стартер байхгүй бөгөөд цахилгаан мотор нь бензин хөдөлгүүрийг асаадаг юм. Харин хайбридын хувьд маш хүчтэй цахилгаан мотортой тул шатуныг хугартал эргүүлж хугарсан шатуун хөдөлгүүрийн блок болон ойролцоох эд ангийг цөм цохидог ба маш хүчтэй нүдсэн дуу гарч явах аргагүй болгон хөдөлгүүрийг бүтнээр нь солихоос өөр аргагүй болгодог. Азаар ус ороогүй бол асаад явна гэсэн үг. Тиймээс та машиныхаа хамрын урд үзүүр дээгүүр ус давсныг харсан л бол зогсоод шалгахад гэмгүй. Мөн усанд орсны дараа машин дан цахилгаан хөдөлгүүрээр яваад байвал сэжигтэй гэсэн үг. Даруйхан зогсож шалгах хэрэгтэй.
3. Юуг шалгах вэ гэж үү? Юуны түрүүнд агаар оруулах хоолойн урд ам норсон эсэхийг, дараа нь агаар шүүгч норсон эсэхийг. Хэрэв агаар шүүгч норсон байвал цааш очлуурыг авч үзэх эсвэл тусламж дуудах хэрэгтэй. Ингэсний дараа аль цилиндрт ус орсныг тогтоож усыг зайлуулах арга хэмжээ авсны дараа эргэж угсран явна.

Шатахууны хувьд АИ92/95-ын аль нь илүү тохиромжтой вэ...

Үйлдвэрлэгчээс энгийн бензин буюу 91 болон 92 октантай бензинээр ажилладаг гэж заасан байдаг. Тиймээс манай оронд элбэг байдаг АИ-92 бензин хийхэд асуудалгүй.

Моторыг усаар шүршиж угааж болох уу...

Моторыг усаар шүршиж угааж болохгүй. Зарим жолооч нар усаар шүршүүлж угаалгаад мотороо шатаасан үе байдаг. Иймд аль болох усаар шүршүүлж угаалгахгүй байна уу. Уурын угаалга гэх мэт өөр сонголт хийх боломжтой.

Смарт түлхүүрийг ашиглах нь

Соронзон үйлчлэлтэй бөгөөд хэт олон төмөр түлхүүртэй хамт байлгахаас зайлсхийх хэрэгтэй. Мөн ус чийгнээс хол байлгаж унагах, цохих, доргиохоос сэргийлээрэй.
Смарт түлхүүрийн батерей дууссан ба цэнэг нь муудсан тохиолдолд машинаа асааж чадахгүй нь гэж санаа зовох хэрэггүй. Асаалтын /START/ товчин дээр түлхүүрээ ойрхон барьж байгаад товчлуурыг дарвал хөдөлгүүр асна. Түлхүүрэндээ таарсан арьсан гэр ашиглавал зүгээр.

Та дараах тохиолдлуудад тэнхлэг тохиргоо хийлгэх шаардлагатай

1. Таны автомашины жолооны хүрд тэгш бус болсон байх.
2. Тэгш зам дээр жолооны хүрд суллахад автомашин шулуун явахгүй байх.
3. Дугуйны хээ хэвийн бус элэгдэх. Үүнд дугуйны гадна тал болон дотор талын хээ огцом элэгдэх

Tsahilgaan motoriihoo...

Tsahilgaan motoriihoo horgoltiin shingeniig oir oirhon uzej baih heregtei. dundarchval hii orood amarhan shatdag. 11 20 Priusend mash ih tohiolddog evdrel. bolj ogvol chaddag huneer n hii avhuulj bval bur sain.

PRIUS-тэй хүн заавал унш

PRIUS-тэй хүн заавал унш
Приус машиныг Тоёота корпораци 1997 оноос анх үйлдвэрлэсэн. Приус 10 гэж нэрлэдэг анхны загвараа 2001 он хүртэл үйлдвэрлэсэн. Прис 11-ийг 2001-2003 онуудад, хоёр дахь хувилбар болох Приус 20-ийг 2003-2009 онуудад үйлдвэрлээд. 2009 оноо гурав дахь үеийн Приус 30-ийг үйлдвэрлэж байна. Приус 20 загварыг 2005-2009 онуудад Хятадад үйлдвэрлэсэн байжээ.
Цахилгаан болон бензинээр давхар ажилладаг автомашиныг эрлийз машин гэж нэрлэдэг байна. Тухайлбал, Монголд хамгийн өргөн хэрэглэгдэж байгаа автомашин бол Toyota Prius юм. Prius-г өвөл асахдаа муу гэж мэтээр жолооч нар ярилцдаг. Энэ нь манай улсын эрс тэс уур амьсгалаас гадна эрлийз машиныг арчлах тал дээр жолооч нарын мэдлэг тааруу, мөн амжиргааны түвшинтэй холбоотой жолооч бүр дулаан гражид автомашинаа тавиад байх нөхцөл бололцоо муу зэрэг олон хүчин зүйлээс шалтгаалдаг нь тодорхой юм. Ингээд хамгийн өргөн хэрэглэгдэж байгаа Toyota Prius-г сонгон авч дэлгэрэнгүй мэдээлэл өгөхийг зорилоо.
- HYBRID машины тухай?
- Hybrid гэдэг бол Монголоор орчуулах аваас Эрлийз гэсэн үг юм. Яг энэ утгаараа машин дээр бууна. Өөрөөр хэлбэл та бидний сайн мэддэг дотоод шаталтат хөдөлгүүр болон цахилгаан моторыг хослуулан ажилладаг тээврийн хэрэгслийг Hybrid Vehicle гэж нэрлэдэг. Ингэснээр эдийн засгийн үр ашигтайгаас гадна байгаль орчинд хор хөнөөл багатай тээврийн хэрэгсэл бий болж байгаа юм. Мэдээж эрлийз учраас түлш бага хэрэглэдэг.
- PRIUS-ийг цахилгаанд залгах ёстой юу?
- Хэзээ ч залгах шаардлагагүй. Prius нь өөрийнхөө батарейг өөрөө цэнэглэж чаддаг. Тэрээр шаардлагатай үедээ бензин мотороороо ажиллах бөгөөд энэ үед генератор цахилгаан үүсгэн батарейгаа цэнэглэнэ. Тэгэхээр жолооч хүн батарейны маань цэнэг дуусах вий гэж санаа зовох хэрэггүй.
- PRIUS нь ямар түлш хэрэглэдэг вэ?
- Prius нь 91 болон 92 октантай бензинээр ажилладаг мотортой. Өөрөөр хэлбэл манай оронд элбэг байдаг АИ-92 бензинээр ажиллана.
- PRIUS хэрэглэснээр хэр их бензин хэмнэх вэ?
- Prius нь хамгийн их идлээ гэхэд л 100 км-т 5 литр бензин хэрэглэдэг. Хэмнэж явбал 4.4 литр хэрэглэдэг гэсэн тооцоо гарчээ. Энэ бол Prius-ийн хэмжээний машинд хангалттай үзүүлэлт юм. Тэгэхээр хот дотор явдаг хүмүүст бол 4.7 литр гэж ойлгоход буруудахгүй. Унаж заншсан бусад машинтай харьцуулахад явалт, жолоодлого хэр вэ? Prius нь автомат араатай таны унаж дадсан машинаас ялгагдах зүйл огт байхгүй. Тэр тусмаа явж байгаа үедээ ямар ч ялгаагүй. Харин онцгой зүйл нь зогсолтын горим болон удаан явж байгаа үед л анзаарагдана. Өөрөөр хэлбэл түгжрэлд орчихсон нормалдаад зогсож байхад дотоод шаталтын хөдөлгүүр унтрах бөгөөд цахилгаан мотор ажиллагаанд орно. Цахилгаан мотор ажиллаж байгаа үед машин тань ямар ч чичиргээ, моторын чимээ эргэлтгүй болох учир машин тань унтарчихсан юм шиг санагддаг. Энэ үед шинэхэн жолооч машинаа унтарчихлаа гэж санан асаах гэж оролддог юм. Улаанбаатар хот шиг түгжрэл ихтэй, богинохон замуудтай үед Prius үнэхээр тохирсон машин юм. Жижигхэн боловч боломжийн хүчтэй цахилгаан мотороор машин тань ажиллах нь байна шүү дээ. Түүнчлэн Pri¬us-ийн дотоод шаталтын мотор нь 1500cc багтаамжтай боловч цахилгаан моторын хүчийг нэмбэл 2.4 литрийн багтаамжтай мотортой тэнцэх хүч гаргах ажээ. Иймд хүч сайтай, хурдтай боловч хэмнэлттэй гэдэг нь ойлгомжтой болж байна.
- Механик кроптой PRIUS бий юу?
- Мэдээж механик кроптой бол бензин илүү хэмнэх нь ойлгомжтой. Харамсалтай нь Prius-ийн загваруудад механик кроп байхгүй. Тэр байтугай арааны алхамт систем ч байхгүй. Өөрөөр хэлбэл бидний ярьдаг шиг 1-р араа, 2-р араа байхгүй гэсэн үг. Түүнд ганцхан араа бий. Харин түүнийхээ эргэлтийг цахилгаан мотор зохицуулдаг. Гэвч жолоодох үед бидний унаж дадсан автомат кроптой машинаас юугаараа ч ялгагдаггүй байна.
- Бензин дуусчихвал PRIUS явж чадах уу?
- Үгүй. Ямар ч тохиолдолд бензин байх шаардлагатай. Гэхдээ шатахууны саванд бензин байхад Prius маань бензин хэрэглэхгүйгээр явж чадах боловч Prius маань эрлийз тэрэг гэдгийг санах хэрэгтэй. Тэгэхээр бензин заавал байх ёстой юм.
PRIUS-ийн аюулгүй байдал хэр вэ?Prius бол Toyota фирмийн сүүлийн жилүүдэд бүтээсэн тэрэг учраас орчин үеийн сонирхолтой системүүд бараг бүгд бий. Тоормосны ABS (Anti-Lock Brake System) системтэй. Бас жолоочийн болон зорчигчийн ослын дэртэй. Хамгийн гол нь хэлбэр нь их царай муутай гэж яригддаг. Гэвч Prius-ийн хэлбэр нь осолд ороход хамгийн аюул багатай загваруудын нэг юм. Бөгтөрдүү загвартай шүү дээ. Осолд орох үед цахилгаан мотор болоод батарей нь зорчигчдыг тогонд цохиулах аюултай байдаг учир батарейг сайтар тусгаарлаж өгсөн байна. Танд гэж хэлэхэд Toy¬ota Prius II хэмээх 2000-2003 онд гарсан загвар нь NCAP (New Car Assessment Program) буюу шинэ машинд олгодог үнэлгээнээс 4 од авсан нь тун өндөр үзүүлэлт юм. Тэгвэл саяхан гарсан Prius III цоо шинэ загвар нь 5 од авсан нь хичнээн их дээшилж, урагшилж байгааг харуулж байна. 5 од бол хамгийн өндөр оноо шүү дээ. Өөрөөр хэлбэл бараг л төгс машин болсон гэсэн үг.
- PRIUS-ийн арчилгаа үйлчилгээг хэн хийх вэ?
- Цахилгаан мотор болоод батарейнаас бусад механикийн бүхий л эд ангиуд нь жирийн машинтай яг адилхан засвар үйлчилгээ шаардана. Иймээс үүнийг дурын засварын газар хийж болно. Харин батарейны хэсэг нь элдэв засвар үйлчилгээ шаардахгүй. Яг л та бидний гар утасны батарей засвар үйлчилгээ хийлгэдэггүйтэй адил юм даа. Бас цахилгаан моторт ямар ч үйлчилгээ хэрэггүй. Яг л бидний хэрэглэдэг угаалгын машины цахилгаан мотор арчилгаа шаарддаггүйтэй адил юм.
- PRIUS хэдэн жил болох вэ?
- Toyota фирмийн машинууд ерөнхийдөө хамгийн эдэлгээ сайтай, бөх бат байдаг. Монголд орж ирсэн Prius-үүд буруу арчилж батерейнд нь асуудал үүсгэхгүй бол бусдаараа бусад Toyota-н машинуудтай ижил.
- PRIUS-ийн батарей хэр удаан ажиллах вэ? Түүнийг солиход хэр үнэтэй вэ?
- Мэдээж Prius нь батарейгүйгээр явах аргагүй болох тул энэ бол анхаарал хандуулах ёстой асуудал юм. Ер нь бол Prius нь Toyota-ийн анхны олон нийтэд зориулан үйлдвэрлэсэн эрлийз тэрэг гэхэд тун чанартай гэдэгт итгэж болно. Түүний батарей ч гэсэн сайн ажилладаг. Toyota-ийн лабораторийн үзүүлэлтээр бол Prius-ийн батарей нь 290,000 км замд хэвийн ажиллах нормтой юм байна. Гэхдээ аливаа автомашины хэр удаан ажиллах нь жолоочоос ихээхэн хамааралтай. Түүнчлэн дэлхий даяар Prius II ба III загварууд 500,000 хувь зарагдсан гэхэд батарейтай холбоотой гомдол огт ирээгүй юм байна. Гэхдээ батарей эвдэрвэл та нилээд хүнд байдалд орно. Батарей бол маш үнэтэй эд анги юм. Prius II ба Prius III загварын батарейг солиход 4000 гаруй доллар зарцуулж байгаа бол монголд элбэг байдаг Prius I нь дутахгүй үнэтэй ажээ. Гэхдээ энэ үнэ жил бүр хямдарч байгаа. Гуравхан жилийн өмнө батарейг бүр 7000 доллараар сольж байсан. Яваандаа 2000 хүртэл буурах байх гэсэн тооцоо байдаг.
- PRIUS-ээр юм чирж болох уу?
- Prius-ээр юм чирэх нь тун тохиромжгүй юм. Яагаад гэвэл түүний моторын бүтэц нь эдийн засгийн хэмнэлт гаргах явдал юм. Иймээс тэр илүү хүч гаргахдаа тааруу. Prius-ийг үйлдвэрлэсэн мэргэжилтэн хэлэхдээ “Prius-ээр юм чирэх хэрэггүй” гэж шуудхан хэлж байна. Гэхдээ гадаадад жижигхэн чиргүүл чирчихсэн явж байх тохиолдол хэд хэд гарсан гэсэн. Хэрвээ хүнд юм чирвэл цахилгаан болоод уламжлалт мотороо эвдэх аюултайг санагтун.
- Арын суудлыг эвхэж болох уу?
- Болно. Арын суудлыг 60/40 харьцаагаар бүтээсэн тул эвхэх үед арын хэсэгт чөлөөтэй зай гардаг.
- PRIUS-ийг холбож асааж болох уу?
- Болно. Танд 12 вольтын цахилгаан байхад л болно. Түүнийгээ Prius-ийнхээ jumper кабельд холбоод л түлхүүрээ дарахад болно.
- LEVs, ULEVs, SU¬LEVs, AT-PZEVs гэсэн хэллэгүүдийн учир?
- LEV гэдэг бол Low Emission Vehicle гэсэн үгүүдийн товчлол юм. Монголчилбол Хорт утаа бага ялгаруулдаг тээврийн хэрэгсэл гэж болно. Энэ нь Калифорни мужийн Агаарын Нөөцийг Удирдах Газраас гаргасан стандарт юм. Тэгвэл ULEV гэдэг нь Ultra-Low Emission Ve¬hicle буюу bаш бага хорт утаа ялгаруулдаг тээврийн хэрэгсэл юм. Энэ нь LEV-ийг бодвол илүү нарийн хэмжүүрээр тээврийн хэрэгслийг шалгаж үнэлгээ өгдөг. Харин SULEV бол Super Ultra буюу Супер бага гэсэн утгатай. Тэгвэл AT-PZEV бол Advanced Technol¬ogy Partial Zero Emission Veihcle гэсэн утгатай бөгөөд монголчилбол Сайжруулсан Технологи ашиглаж бараг л тэг /0/ хорт утаа ялгаруулдаг гэсэн үг. Сүүлийн ангилалд орсон автомашин их ховор бөгөөд Toyota Prius III-ийг энэ ангилалд оруулсан байна. Харин Prius II нь SULEV-д ордог байсан тул III загвар нь нэг шат ахиж байгаль орчинд ямар ч хор хөнөөлгүй болсон гэж ойлгож болно.
- TOYOTA болон HONDA-ийн эрлийзүүдийн ялгааг хэлж өгнө үү?
- Honda ч гэсэн эрлийз тэрэг үйлдвэрлэлтээр нилээд их ажил хийж байгаа. Тэгвэл Toyota нь тухайн явалтдаа дотоод шаталтат болон цахилгаан мотороо аль алийг хэрэглэх бөгөөд хэрхэн зохицуулж явахаа өөрөө шийддэг. Хамгийн тохиромжтой хувилбараа өөрөө сонгодог гэсэн үг. Жолооч хүн жирийн л машин жолоодож байгаа юм шиг явахад л болно. Тэгвэл Honda нь үргэлж дотоод шаталтат хөдөлгүүрээ ашиглах бөгөөд илүү их хүч шаардагдсан үед цахилгаан мотор ажиллагаанд орж тусалдаг байна.

Приусын батарейг шалгах



http://zowolgoo.blogspot.com
Приус худалдан авч байгаа хүммүүс батарейг шалгахдаа

Prius Машинаа яавал бензин бага идүүлэх талаар



http://zowolgoo.blogspot.com/
Prius Машинаа яавал бензин бага идүүлэх талаар

Wednesday, 25 November 2015

ӨВӨЛ МАШИН АШИГЛАЛТЫН ТАЛААРХ 5 БУРУУ ОЙЛГОЛТ

Гадаа хүйтэрчихлээ, ес эхлээгүй байхад машин тэрэгний асалт хэвийн бус болоод ирэв үү? Бидэнд өвлийн улиралд зөндөө л эргэлзээтэй зүйлсүүд гарч ирдэг. Тэгвэл PM сэтгүүлийн автын эксперт эдгээр зүйлсийн эргэлзээг тайлсныг орчуулан хүргэж байна.
1) Машиныхаа голд хүндрүүлэгч ачаа авч явах нь шарвалтаас хамгаална?
Энэ асуудал нь мэдээж хэрэг та ямар автомашин жолооддогоос шалтгаална. Өмнө нь ихэнх суудлын машин ардаа хөтлөгчтэй байсан. Тиймээс хүнд ачаатай тэнцвэржүүлэгч өгсүүр цастай газар явахад хэрэг болдог байсан. Гэвч одоо дийлэнх суудлын автомашин урдаа хөтлөгчтэй эсвэл дөрвөн дугуйндаа хөтлөгчтэй болсноор жингийн хуваарилалт нь ч мөн адил илүү сайжирсан. Мөн бүх улиралд тохирох дугуйнуудын чанар ч маш сайжирсан. Тиймээс тэнцвэржүүлэгч ачаа гулгаатай зам дээр урдаа хөтлөгчтэй машинд харин ч эсрэгээрээ илүү саад болж илүү шарвуулна. Харин хойноо хөтлөгчтэй мөн хойд хэсэг нь хөнгөн автомашинуудад л илүү шаардлагатай.
2) Өдөр цайны цагаараа машинаа асааж 10 минут орчим халаах нь орой ажлын дараа машин асахад тустай.
Хэрэв таны машин бүх л шөнийн турш хүйтэнд хоноод зүгээр асаж байгаа бол өдрийн 8 цаг зогсоол дээр байхад хэвийн л асна. Хэрэв гарааштай бөгөөд хэсэг хором хүйтэнд байлгахад асахгүй байгаа бол машиныхаа свечэ, аккумулятор зэргээ шалгах болжээ гэсэн үг. Хэдийгээр хөдөлгүүрийг өдөр бүр 10 минут асааж нормалдаж байгаа нь хөдөлгүүрийг халааж, тосыг шингэрүүлэх боловч шатахууны дутуу шаталт явагддаг. Мөн хүйтэн нөхцөлд машин асах бүрд хөдөлгүүрт их хэмжээний элэгдэл үүснэ. Энэ нь хий дэмий бензин үрэхээс гадна хөдөлгүүрийн элэгдэлд нөлөөлнө гэсэн үг юм.
3) Хүйтэнд аккумулятор амархан мууддаг.
Өвлийн хүйтэн - аккумуляторт 2 шалтгааны улмаас нөлөөлдөг. Хүйтэн нөхцөлд хөдөлгүүрийн тос өтгөрсөн байдаг учраас моторыг асаахад илүү их хүч шаардлагатай болдог. Иймээс энэ илүү хүчийг аккумулятор гаргах хэрэгтэй бөгөөд үүн дээр хүйтнээс болж аккумулятор гаргах ёстой чадлаа гүйцэд гаргаж чаддаггүй. Тиймээс тахир гол эргүүлэх чадал өндөртэй аккумуляторыг сонгох хэрэгтэй болдог. Нөгөөх шалтгаан нь бага температурт цахилгаан үүсгэх химийн урвал нь удааширдаг. Мөн аккумуляторын утас сайтар бэхлэгдээгүй тохиолдолд өндөр чадал шаардсан, удаан стартер дарж байхад шон нь маш ихээр халдаг. Машин ассаны дараа шон хөрч холбоос нь бүр мууддаг. Энэ нь эргээд аккумулятор бүрэн цэнэг авахад нь нөлөөлж, бүрэн цэнэглэгдээгүй аккумулятор хөлдөх эсвэл чанар нь улам муудна.
Яг үнэндээ өвөл ихэнх машины асалт мууддаг ч, зун аккумуляторын чанар илүү мууддаг. Учир нь хэт халуунд аккумулятор халж электролит нь шарагдаж, буцалснаас чанар нь мууддаг.
4) Хэсэг цас ороод хэд хоносны дараа шил арчигчийн шингэн хөлдсөний улмаас ажиллахаа больдог.
Хэрэв шил арчигчийн шингэн хөлдөх бол хэд хоногийн дараа биш, тэр дороо хөлдөнө. Цас орсны дараа цасан дээрх ямар нэг тоос шороо цасны хайлсан хэсэгтэй хамт шүршигчийн хошуу руу орж бөглөж болзошгүй юм. Мөн шил арчигчийн шингэн тодорхой төвшнөөс багасах үед ажиллахгүй болдог. Мөн шил арчигчийн шингэнийг ажиллуулсны дараа үлдсэн шингэнээ буцааж доошлуулдаг бөгөөд үүнтэй зэрэгцэн хайлсан цас, тоос шороо орж нүхийг бөглөдөг. Харин зориулалтын шил арчигчийн шингэн нь хөлддөггүй тусгай шингэн байдаг. Хэрвээ та ус хийсэн бол дороо хөлдөж шүршигчийг ажиллуулахгүй болгодог.
5) Маш хүйтэнд шил арчигчаа сайтар цэвэрлэсэн ч, эсвэл паараа цонхруугаа хамаг халуунаар үлээлгэсэн ч байнга мөс тогтож цонх халтартуулдаг
Хүйтэн цаг агаар шил арчигчийн шингэн хайлсан цас мөстэй нийлж цонхыг халтартуулахад нөлөөлж болзошгүй. Иймд цонхоо аль болох халуун байлгах хэрэгтэй. Цонх халаагч, цан арилгагчийг ажиллуулж байх хэрэгтэй. Цонх халтартаж байгаа нь ихэнхдээ шил арчигч муудсанаас шалтгаалдаг болохоор шил арчигчаа солих хэрэгтэй. Мөн шил арчигчийн шингэнээ хүйтэнд илүү тэсвэртэйгээр нь солих шаардлагатай.

ХҮЙТНЭЭС УЛМААС АВТОМАШИНД ҮҮСДЭГ 5 АСУУДАЛ

Өвлийн хахир хүйтэн биднийг дааруулахаас ч илүү машинд тань муугаар нөлөөлдөг байна. Агаарын температур буурах тусам машины тань хэвийн ажиллагаа дагаад буурч байдаг. Ингээд өвлийн улиралд автомашинд учирдаг 5 том асуудалтай танилцацгаая.

1. Таны машины аккумулятор хамгийн түрүүнд мууддаг 


Энэ бол өвөл болон хүйтэнд байнга тохиолддог асуудал иймээс аккумуляторынхаа ажиллагааг шалгуулаарай. Ингэснээр таны аккумулятор машиныг тань өглөө асааж чадах эсэхийг мэдэж болно. Автомашиныг өвөл гараашид байлгах нь хүйтэн нөхцөлд аккумулятороо хамгаалахад тань туслах болно. Гэвч хэрэв гарааш байхгүй бол аккумуляторынх оо чанарыг шалгуулаарай.
Авто инженерүүдийн зөвлөгөөгөөр бол дунджаар аккумулятор 3 жилийн хугацаанд өвлийн хүйтнийг тэсдэг. Хахир хүйтэн нөхцөл нь аккумулятороос гарах хүчдэлийг бууруулдаг, ингэснээр хөдөлгүүрийг асаахад хүндрэлтэй болж ирдэг. Дундаж аккумулятор -1С градусаас +32С градуст ажиллахад тохиромжтой байдаг бөгөөд үүнээс доош градусын хүйтэн нөхцөл чанарт нь нөлөөлдөг байна.

2. Цаг агаар хүйтрэхэд хөдөлгүүрийн тос болон аливаа шингэнүүд өтгөрдөг 


Өвөл автомашиныхаа тос болон шингэнүүдийг байнга шалгаж байгаарай. Үүнд: хөдөлгүүрийн тос, антифрийз, хөргөлтийн шингэн буюу тосол, гидрийн шингэн, тоормосны шингэн болон кропны шингэн зэрэг багтана.
Хүйтэн болох үед аливаа шингэн царцаж, өтгөн болдог бөгөөд энэ нь эдгээр тос тослох шингэнүүдийг хэвийн ажиллахад нь нөлөөлдөг. Кроп бол чухал хэсгүүдийн бөгөөд кропны шингэн маш хурдан урсаж шаардлагатай хэсгүүдэд хүрч байх ёстой. Хэрвээ хэт хүйтэн бол араа шилжилт алдагдаж эхлэнэ.

3. Хүйтэн агаар машины дугуйн хийнд нөлөөлдөг 


Температур ойролцоогоор 12С-р буурах тутамд дугуйн даралт 1psi-иар буурдаг байна. Иймээс дугуйны хийгээ тогтмол шалгаж байх шаардлагатай. Хий султай дугуй, цас мөстэй нөхцөлд ажиллагаа нь муудаж, аюулд хүргэж болзошгүй юм.

4. Шил арчигч, шил цэвэрлэгчийн ажиллагаа мууддаг 


Шил арчигчаа ажиллуулахаасаа өмнө шилээ заавал цэвэрлэж байгаарай. Шил арчигч муудах үндсэн шалтгаан нь шилээ цэвэрлээгүй шил арчигчаа ажиллуулснаас үүдэлтэй байдаг. Учир нь шил арчигч резин шилтэй наалдаж хөлдөх эсвэл хэт хүйтэнд мөсөнд зүсэгдэж урагддаг. Иймээс зарим жолооч нар цас орох үед шил арчигчаа босгож тавьдаг.

5. Өвөл очлуурын ажиллагаа мууддаг 


Муудсан свечэ, халаагч эсвэл бөглөрсөн шүүгч зэрэг хүйтэнд машин асахгүй байх шалтгаан болдог. Температур буурах үед автомашин машины асалт мууддаг.
Дээрх 5 асуудал нь өвлийн хүйтэнд учирч болох хамгийн түгээмэл асуудлууд учраас эдгээрийг мэдэж байсан тохиолдолд та өмнө нь бэлтгэж эдгээр асуудлаас сэргийлэх боломжтой юм. Ерөнхийдөө автомашиныхаа байнгын техник үйлчилгээнүүдээ тогтмол хийлгэж байгаа тохиолдолд эдгээр асуудлуудаас айх зүйлгүй.

ХҮЙТЭНД ХӨДӨЛГҮҮРИЙГ ХЭДЭН МИНУТ НОРМАЛДАХ ВЭ? 3 МИНУТ + САЙН ТОС

Хөдөлгүүрийг халаах гэж удаан нормалдах нь шатахуун зарцуулалтыг эрс нэмэгдүүлдэг. Бид шатахуун зарцуулалтыг 100 км 12 литр бензин иддэг гэж ярьдаг. Гэтэл удаан нормалдах үед километрийн заалт гүйхгүй мотор маань бензинийг хэрэглэсээр байгаа шүү дээ. Ихэнх жолооч нар дулаахан салонд суух гэж автомашинаа удаан нормалддаг нь буруу биш. Гэхдээ манайх шиг хүйтэн уур амьсгалтай Канадын авто инженерүүд машинаа асаагаад 2-3 минут нормалдаад хөдөлгөөн хийж болно гэж зөвлөсөн байдаг. Учир нь хөдөлгүүр ачаалалгүй нормалдсанаас ачаалалтай явж байхдаа хурдан халдаг.
1990 оноос өмнөх хөдөлгүүрийн болон тосны технологи хөдөлгүүрийг халаах шаардлага тавьж байсан. Харин технологи сайжирснаар удаан халаах шаардлагагүй болсон. Гэхдээ хэр удаан халаах вэ гэдэг нь харьцангуй ойлголт юм. Өвлийн хүйтэнд тосоо зөв сонгож хийсэн бол асаасны дараа 2-3 минут болоод хөдлөхөд зүгээр. Энэ хугацаанд хөдөлгүүр С хүртэл халахгүй ч хөдлөөд явбал арай түргэн халах бусад хэсгүүд аажимдаа бүлээсэх нь мэдээж. Гэхдээ хөдөлгөөнийг зөөлөн эхлүүлж, замын нөхцөлдөө тохируулж явах хэрэгтэй. Мөн удаан халаалаа гээд муу зүйлс байхгүй. Тиймээс сонголт хийх эрх нь танд бий...

PRIUS-д ЯМАР ТОС ХИЙВЭЛ БЕНЗИН БАГА ЗАРЦУУЛАХ ВЭ?

- Хайбрид хөдөлгүүртэй машин энгийн машиныг бодвол жолоодлогийн явцаас хамаарч бензин мотор нь олон дахин асаж унтардаг. Олон асаж унтрах нь хөдөлгүүрийн ачааллыг ихэсгэж бензин зарцуулалтыг нэмэгдүүлдэг. Тиймээс аль болох шингэн 0W20 зэрэглэлтэй тос хийвэл зарцуулалт нь багасдаг.
Шингэн тос өөр ямар давуу талтай вэ?
- Энгийн машиныг нэг газраас нөгөөд хүргэхэд ганц л удаа асаахад болдог. Харин хайбрид машин энэ хооронд олон дахин асаж унтардаг учраас моторыг найдвартай тослох шаардлагатай тулгардаг. Хэрвээ өтгөн тостой бол насос моторыг асах үед бүрэн тосолж амждаггүйгээс эд анги илэгдэлд ордог. Харин шингэн тостой бол насос моторыг асах үед бүрэн тосолж илэгдлээс хамгаалдаг. Тиймээс үйлдвэрлэгчийн зааврын дагуу шингэн тос хийвэл бензин бага зарцуулаад зогсохгүй хөдөлгүүрийн насжилтыг уртасгадаг.

PRIUS-д тохирох иридиум свечэ хийсний давуу тал юу вэ?

Свечэ муудвал машинд ямар нөлөөлөл илрэх вэ?
- Свечэ муудсан үед бензин идэлт нэмэгддэг, хүйтэн нөхцөлд мотор дэргэдэг. Приус машинд үйлдвэрлэгчээс зөвхөн иридиум, платиниум свечэг хэрэглэхийг зааж өгсөн байдаг, хэрвээ энгийн свечэ ашигласан бол моторыг бүрэн хүчин чадлаар нь ажиллуулж чадахгүйн улмаас шатахуун зарцуулалтыг нэмэгдүүлдэг.
Үйлдвэрлэгчээс Приусд ямар маркын свечэ ашиглахыг зааж өгсөн байдаг вэ?
- Приус 20 маркын машинд NGK-3184, NGK-1219, DENSO IK16, DENSO VK16 харин Приус 30-д NGK-1317 свечэ ашиглахыг заасан байдаг. Ингэснээр бензин идэлт хэвийн хэмжээндээ очиж, мотор гаргах ёстой чадлаа элдэв доголгүй гаргадаг давуу талтай. Тиймээс та бүхэн үйлдвэрлэгчээс зааж өгсөн каталогийн дагуу свечэ хэрэглэж хайбрид машины онцлогийг бүрэн утгаар нь мэдрээрэй.

Iimerhii hiileg ch hergelvel mashin asaatai bhad zalgahgui bol suulgaj b...