"Учирт гурвалжин" ххк E-Mail:uchirtgurvaljin@gmail.com

"Учирт гурвалжин" ххк E-Mail:uchirtgurvaljin@gmail.com

Tuesday, 20 June 2017

TOYOTA CROWN ХУДАЛДАН АВАХАД



Монголын муу бензинд тохирохгүй загваруудын талаар танилцуулъя. Үүнд D4 системтэй Тоёотагийн авто машинууд бас ордог. Эхлээд шууд эвдрэхгүй ч ашиглалтын явцад ямар нэг тааламжгүй байдлууд илрэх бөгөөд эвдэрсэн тохиолдолд өндөр үнэтэй сэлбэг засвар шаарддаг юм. Мөн сайн октантай үнэтэй бензин хийх хэрэгтэй байдаг.
Toyota Crown-ын S175, S179 загварын 3.0 литрийн хөдөлгүүртэй загвар нь 2001 оны 8 сар хүртэл D4 буюу бензиний шууд цацалттай хөдөлгүүртэй, 2001 оны 8 сараас 2.5 литрийн хөдөлгүүрт мөн D4 систем тавьж эхэлсэн байна. Эндээс дараагийн загварын шинэчлэлт хүртэл  эхлэн 2.5 ба 3.0 литрийн хөдөлгүүрүүд D4-тэй ба D4 –гүй гэсэн хувилбараар холилдон гарсан. Иймд 2004 он хүртэлх S170 Crown худалдан авахдаа сайн нягталж үзэх хэрэгтэй. Харин 2.0 литрийн хөдөлгүүрүүд ямарч асуудалгүй энгийн системтэй юм.
                                                                    урд тал

                                                     D4-гэсэн бичигтэй

Харин S180 2004 оноос гарсан S180 Crown нь шинэ төрлийн V6 хөдөлгүүр тавигдсан бөгөөд бүх түлшний систем нь D4 болсон.

                                                      урд талаас
                              D-4 бичиг байхгүй, ялгах шаардлаггагүй болсон


2008 оны 1 сард өөрсдийн үйлдвэрлэсэн  D4 буюу 1JZ-FSE, 2JZ-FSE хөдөлгүүрийн доголдолын талаар Тоёота корпорациас албан ёсоор  мэдэгдэл хийсэн байна. Тус мэдэгдэлд эдгээр хөдөлгүүрүүд нь удаан хугаацаанд сул ажиллуулах явцад хөдөлгүүрийн эргэлт тогтворгүй болж өөрчлөгдөх явдал гарах бөгөөд энэ нь оруулах клапан дээр хуралдах карбон лагаас үүдэлтэй юм гэжээ.  Үүнд бид тухайн авто машины гүйлтээс хамаарахгүйгээр 5-9 жилийн хугацаанд үйлчилгээ, тохиргоог  тохируулж өгөх баталгааг гаргаж байна гэсэн байна. Гэхдээ энэ нь зөвхөн японы дотоодод болон, албан ёсны дилерээс авсан автомашинуудад хамаатай юм.
Дээрх баталгаа нь монголд орж ирсэн автомашинуудад хамаарахгүй нь ойлгомжтой бөгөөд эсвэл энэ баталгааны хугацаа дууссан байх магадлал өндөр юм.


 

LANDCRUISER 80 ХУДАЛДАН АВАХ ЗӨВЛӨГӨӨ



Хөдөлгүүр: Бензин 1FZ-FE хөдөлгүүрийн хувьд маш сайн хөдөлгүүр гэгддэг бөгөөд нудраган гол тахир гол нь гинжээр холбогддог тул тасарна гэсэн гэсэн ойлголт байхгүй, харин дээд гавлын тагны жийрэг нь сууж бага зэрэг тос хөлөрсөн байдаг. Тийм бол жийрэгийг солих шаардлагатай болно. Урд хойд тахир голын их биеийн сальникаар тос хаяж байж болзошгүй, дээд агаар оруулах хоолой агаар шүүгч солих үед бүтнээр нь тайлж авалгүй сольсноос гармошк хэсгээрээ тасарсан байж магад. Өөр хүнд гэмтэл гарах нь ховор.
Харин HZ болон HD дизель хөдөлгүүр нь духны рементэй учир ремен муудсан байж болзошгүй. Хэдийгээр ремен солих анхааруулах гэрэл байдаг боловч ассан үед унтраасан байх магадлалтай тул гадна тагийг тайлаад нүдээрээ харсан нь дээр. Харахад ремений гадаргуу дээр хагаралт үүсээгүй, зах нь сэмрээгүй байвал зүгээр. Турбо нь хэт халааснаас эвдрэх магадлалтай ба муудсан бол агаарын хоолой руугаа тос цацсан байдаг.
Дизель хөдөлгүүр нь бохир түлш хийснээс түлшний  шүүр бөглөрч хүчгүй болох, форсунк шээх, пара плунжур хортон сууснаас хөдөлгүүр доголдох зэрэг асуудал бий. HD хөдөлгүүр нь агаарын ганц халаагчтай учир өвөл муудвал асахгүй. HZ нь цилиндр бүртээ халаагчтай тул нэг 2 муудсан байхад доголдоод асчихна. HD нь сүүлийн сайжруулсан загвар бөгөөд түлшээ шууд цилиндртээ цацдаг. Хар утаа их хаяж байвал түлшний өгөлтийг хэт ихдүүлсэн байна гэсэн үг бөгөөд ямар нэг түлшний системийн гэмтэлтэй байна гэсэн үг.

Кузов:
Харьцангуй зузаан төмөртэй боловч урд 2 дотор шанаа нь салдаг хийцтэй, манай замд дэржигнүүрт хамаагүй давхиснаас ханзрах нь элбэг. Ялангуяа баруун талынх их ханзардаг ба олдвол сольчиж болно. Дээрээ ачаа тавьж хэт их хүнд ачаа ачиж ширүүн явснаас хойд хаалганы багана, гуя хэсгээрээ цав гарах нь их. Кузов рамыг бэхлэхэд тусгаарлах зөөлөвч резинүүд сууснаас донсолгоонд кузов бага зэрэг чичирдэг. Резинүүдийг солих. Урд салхины шил өвөл хяхтнах дуу гардаг.
Хойд гадна дугуй тогтоогчийн баригч болон түгжээн дэгээ элэгдсэнээс хөдөлгөөн орж дуугардаг.
Явах анги, жолооны механизм:
Рулийн тяг, рулийн амартизаторыг шалгахад илүүдэхгүй, втулкууд нь харьцангуй бөх нэгэн зэрэг сулрах нь бага. Хөндлөн тягных илүү хурдан сулардаг. Кардан голын чагтны сулрал хурдан . Ялангуяа механик хурдны хайрцагтай бол. Урд чулаакны цаапны доод 4 боолт сулрах гэмтэй.

Автомат хурдны хайрцаг: нь жирийн хэрэглэхэд эвдрээд байдаггүй, харин хэт удаан ачаалах хүчиллэснээс эвдэрнэ.

Monday, 19 June 2017

Тэнцүүлэгч муудахын хор уршиг

 Автомашины тэнцүүлэгчийн талаарх мэдээллийг та бүхэндээ хүргэе. Хамгийн эхэнд нь үл хамаарах тэнхлэгтэй машинд байдаг гарны талаар авч үзье. Гарны үүрэг нь дугуйг дээш, доош хөдөлгөөн хийх боломжоор хангадаг. МакФерсон болон дээд, доод гэсэн үндсэн 2 төрөл түүнд бий.
Элэгдэл:
Дугуй хэвийн бус элэгдэх
Донсолгоотой замаар явахад хавирах, түчигнэх чимээг гаргаж болдог.





Урд хэвтээ тэнцүүлэгч
Эргэлт болон донсолгооны үед дугуйн доргилтыг саармагжуулдаг.
Элэгдэл:
Эргэлтийн үед хэт хазайх
Донсолгоотой замаар түчигнэж дуугарах
Хойд хэвтээ тэнцүүлэгч
Мөн л урд дугуйтай ижил доргилтыг саармагжуулдаг. Ингэснээр аль нэг тийш хэт хазайхаас сэргийлж өгдөг


Хэвтээ тэнцүүлэгчийн даравч резин
Дээр дурдагдсан хэвтээ тэнцүүлэгчийг кузовын бусад эд ангитай хавиралдаж дуугарахаас хамгаалах зорилготой даравч резин байдаг. Хэрвээ хөшиж үзэхэд язарсан, холхио орсон бол солих шаардлагатайг илэрхийлнэ.




Босоо тэнцүүлэгч
Энэхүү тэнцүүлэгч нь хэвтээ тэнцүүлэгчийг амортизаторын доод хэсэгтэй шарнерээр холбож өгдөг. Муудсан үед донсолгоонд дуу гарах бөгөөд шарнер нь холхио орсон бол солих шаардлагатайг илэрхийлнэ.
Дээрх тэнцүүлэгчүүдэд яг тэдэн км яваад солино гэсэн заалт Монголын нөхцөлд гаргахад төвөгтэй байдаг. Тиймээс тулгуур эд ангийн оношилгоонд оруулахдаа үргэлж шалгуулж, муудсан бол сайн чанарын бүтээгдэхүүнээр сольж байгаарай.


Thursday, 4 May 2017

Таны машин шар гэрэл ассанаас хойш хэдэн километр явах боломжтой вэ?


Бид замын хөдөлгөөнд оролцож яваад гэнэт шатахуун дуусаж байгааг анзаардаг. Энэ зүйлтэй жолооч бүр л тулгарсан байх. Гэнэтийн ийм байдалд бид яахаа мэдэхгүй сандрах нь элбэг. Магадгүй та яаралтай уулзалтанд явж байхдаа шатахуун тань дуусаж байгааг мэдвэл, бас шатахуун түгээх цэг ойр хавьд байхгүй тохиолдолд яах вэ? Шөнө болчихсон, гудамжинд эл хуль, аль эсвэл өвөл ийм зүйлтэй учирвал та ямар арга хэмжээ авах вэ?

Гэхдээ та айх хэрэггүй. Учир нь таны шатахуун огт дууссан биш харин шатахуун дуусаж байгааг урьдчилан сануулж байгаа юм. Машины тань шар гэрэл ассанаас хойш хэдэн километр явах боломжтой байдаг талаарх мэдээллийг хүргэе. Машин бүр замын нөхцөл байдал, жолоодлого, машины хүчин чадал зэргээс хамаарч харилцан адилгүй байдаг.

АНУ-д хамгийн түгээмэл байдаг дараах 50 машин шар гэрэл ассанаас хойш дараах зайг туулах боломжтой байдаг байна:
Ford F-150 – 57.75-132 км 

Chevrolet Silverado – 41.25 км 

Ram 1500 – 104-143 км 

Toyota Camry – 107-150 км 

Toyota Corolla – 99-138 км 

Nissan Altima – 133-188 км 

Honda Accord – 115-153 км 

Honda CR-V – 102-128 км 

Honda Civic – 97-132 км

Ford Escape – 57-132 км 


Toyota RAV4 – 94-122 км 

Chevrolet Equinox – 82 км 

Nissan Rogue – 128-163 км

Hyundai Elantra – 49 км 

Ford Explorer – 58-132 км 

Chevrolet Cruze – 10-138 км

Ford Focus – 58-132 км 

GMC Sierra Denali – 105-152 км 

Hyundai Sonata – 66 км 

Jeep Cherokee – 109-153 км

Nissan Sentra – 99-132 км 

Jeep Wrangler – 77-96 км 

Chrysler 200 – 114-178 км

Chevrolet Malibu – 82-119 км

Jeep Grand Cherokee – 109-148 км

Toyota Tacoma – 104-124 км 

Subaru Forester – 102-137 км 

Kia Optima – 49 км 

Toyota Highlander – 95-119 км 

Kia Soul – 49 км 

Toyota Sienna – 89-123 км 

Subaru Outback – 107-140 км 

Nissan Versa – 132-171 км 

Volkswagen Jetta – 94-140 км 

Honda Odyssey – 94-138 км 

Honda Pilot – 74-102 км 

Ford Mustang – 57-132 км 

Ford Edge – 57-132 км 

Chevrolet Traverse – 69-99 км 

Toyota Tundra – 99-118 км 

Jeep Patriot – 75-99 км 

Toyota Prius – 125-133 км 

Hyundai Santa Fe – 66 км 

Kia Sorento – 66 км 

Chevrolet Impala – 72-102 км

Ford Transit – 57-132 км 

Mazda 3 – 113-155 км 

Mazda CX-5 – 110-150 км 

GMC Terrain – 82 км

Шар гэрэл аслаа гэж айх хэрэггүй. Үүнийг ойр дотны хүмүүс болон найз нөхөдтэйгээ хуваалцаарай.





Та автомашиндаа салхивч хийлгэх гэж байна уу, тэгвэл...



Та том дугуйтай, хүчин чадал өндөртэй машинтай байсан ч уснаас аль болох зайлсхий. Эрдэж ус руу орж болохгүй. Хэрвээ усанд ороод машин удаан зогсож кроп болон урд хойд явах эд анги руу ус орсон тохиолдолд таны автомашины нас 1-2 жилээр шууд хөгширнө. Зайлшгүй тохиолдолд ус гаталсан бол уснаас гараад явах эд ангийнхаа тос гоожуулдаг доод талын тагийг суллаж усыг нь гоожуулна
Ус хүнд жинтэй учраас тосны доор байдаг тул тосноосоо түрүүлж гоожоод дуусах үед тос гарна. Тэр үед нь таглаад явахад таны машины эд ангид эвдрэл, зэврэлт үүсэхгүй. Мөн сүүлийн үед автомашин эзэмшигчид хэрхэн салхивч хийх вэ гэж их асууж байна.
Автомашины үйлдвэрүүд салхивч хийхдээ таазанд маш олон карказ бэхэлгээ хийж хүнд жинтэй шил тогтоосон байдаг. Тиймээс онцын шаардлагагүй бол салхивч хийлгээд хэрэггүй.
Яагаад гэвэл дээврийн төмөр хүнд шилээ даахгүйн улмаас ханзарч урагдах тохиолдол байдаг. Салхивч нь анхнаасаа гоёлын зориулалттай биш зорчигчийг халуунаас хүйтэнд шилжихдээ хатгалгаа болон бусад өвчнөөс авахаас урьдчилан сэргийлж хийгдсэн юм билээ. Тэгэхээр таны машинд салхивч онцын шаардлагагүй учраас хийлгээд хэрэггүй юм.

Дугуйны насыг хэрхэн уртасгах вэ?

Жолооч нар өвлийн дугуйг зөвхөн цас орсон үед л тавих ёстой юм шиг ойлгодог. Энэ нь маш буруу юм. Хэрвээ та шинэ ч бай, хуучин ч бай дугуй авсан бол аль болох удаан эдэлж бага зардал гаргах хэрэгтэй. Өөрөөр хэлбэл зуны дугуйг зунд нь өвлийн дугуйг өвөл тавих нь таны дугуйны эдэлгээг уртасгадаг.
Мөн дөрвөн улирлын болон зуны дугуй нь өвлийн дугуйг бодвол илүү хатуу резинээр хийгдсэн байдаг учраас өвөл шууд хөлдөж барьцалдах чадвараа алдаж мөн чанар нь мууддаг. Өвлийн дугуй эсрэгээр маш зөөлөн резинээр хийгдсэн байдаг нь өвлийн хүйтэнд дугуй хөлдөхгүй, гэнэтийн тормослолт болон цастай үед зөөлөн дугуй маш сайн барьцалддаг.
Тийм болохоор цас орсон ороогүй та өвлийн дугуйгаа эрт сольсноор дөрвөн улирлын болон зуны дугуйгаа илүү хэрэглэхээс гадна гэр бүл хайртай хүмүүсээ эрсдэлээс 100 хувь хамгаалж чадна. Мөн автомашины хаалганы резин муудчихаад шороо ороод байна гэж их ярьдаг. Манай орон хуурай уур амьсгалтай учраас резин силконлог байдлаа алдаж хатуурдаг. Сүүлийн үед энэхүү резин дундуур хатуу резин гүйлгэж шороо орохоос сэргийлдэг үйлчилгээ их болсон. Энэ үйлчилгээ нь таны мөнгийг хий дэмий үрж байна.
Харин ч тэр резинийг гүйлгэснээс хаалга хатуу хаагдаж,улмаар түгжээ болон дэгээнд үргэлж ачаалал ирээд явцын дунд эвдрэл үүсдэг. Тиймээс та үүнд арай өөр аргыг хэрэглээд үзээрэй. Хаалганы резиныг зөөлөн болгож силконлог байдлыг нь хангах шүршдэг бүтээгдэхүүн байдаг. ХБНГУ -ын WURTH компани энэ бүтээгдэхүүнийг үйлдвэрлэсэн. Та үүнийг авч хэрэглэснээр хаалганы резин нь зөөлөрч хэвийн болно.

Хятад улс цахилгаан автомашины үйлдвэрлэл, борлуулалтаар АНУ-ыг хол хаяжээ


2016 онд Хятадад 351,861 цахилгаан хөдөлгүүртэй автомашин шинээр бүртгүүлсэн нь дэлхий дахинд борлогдсон нийт цахилгаан машины 46 хувь болжээ. Үүнээс гадна 2016 онд дэлхий даяар үйлдвэрлэгдсэн цахилгаан машины 43 хувийг Хятадад үйлдвэрлэсэн байна.
Ердөө 2013 онд Хятадын цахилгаан машины үйлдвэрлэл дэлхийн зах зээлийн 6 хувийг бүрдүүлж байсантай харьцуулбал энэ нь үсрэнгүй амжилт юм.
Том зургаар нь харвал Хятадын нийт автомашин дотрох цахилгаан хөдөлгүүртэй машины эзлэх хувь 1.45 хувьд хүрсэн бол АНУ-д 0.8 хувь, Европт 1.3 хувь байна.
2016 онд Америкт шинээр бүртгэгдсэн цахилгаан хөдөлгүүрт автомашины тоо Хятадынхаас 2 дахин бага байгаа юм.

0-5 ЖИЛ ЖОЛОО БАРЬСАН ЖОЛООЧ НАР ОСОЛ ГАРГАХ НЬ ИХ БАЙНА


Монгол улсын хэмжээнд өнөөдөр 790,000 гаруй тээврийн хэрэгсэл, 1,400,000 орчим жолооч байна. Автомашинжих үзэгдэл нийгмийн хөгжлийн дагуу эрчимжихийн зэрэгцээ жолооч болох иргэдийн тоо ч нэмэгдэж байгаа нь ажиглагдаж байна.
Замын хөдөлгөөний дүрэм зөрчих нь насны онцлог, мэргэжлийн ур чадварын төвшинөөс ихээхэн хамааралтай гэж үздэг.
Замын цагдаагийн албанаас Зам тээврийн осолд холбогдсон жолоочийн жолооч болсон жилээр нь судалгаа хийхээд 0-5 жил жолоо барьсан жолооч дийлэнх хувийг эзэлж байгаа бөгөөд тэд бүдүүлэг авир гаргах нь их байдаг.
Тэдний хувьд хурд хэтрүүлэх, зай барихгүй байх, дүрмийн бусад заалт зөрчих нь хэвийн зүйл мэт санагдана. Энэ нь 1-5 жил автомашин жолоодсон хүмүүсийн бардам зан нь давамгайлсан байдагтай холбоотой ажээ.
Нэг жилээс бага хугацаанд автомашин жолоодогчийн хувьд хурдыг зөв сонгох, маневрлахад ихэвчлэн алдаа гаргадаг байна. Энэ нь нөхцөл байдлыг үнэлэх чадвар, анхаарал нь харьцангуй сул байдагтай холбоотой юм.
Мөн Замын цагдаагийн албанаас хийсэн судалгаанаас үзэхэд 18-29 насны залуус зам тээврийн осол гаргадаг нь тогтоогджээ. Замын хөдөлгөөний дүрмийн заалтыг 25 хүртэлх насны хүмүүс их зөрчдөг бөгөөд үүнээс хойших насанд зөрчил гаргах нь багасдаг байна.

ГОЛЛАНДАД НИСДЭГ АВТОМАШИНЫГ ХУДАЛДААЛЖ ЭХЛЭВ


Голландын PAL-V компани өөрсдийнхөө угсарсан нисдэг автомашины хоёр загварыг худалдаанд гаргасан байна. Уг компани 2009 оноос нисдэг автомашин үйлдвэрлэх ажлаа эхлүүлсэн билээ. Харин 2012 онд анхны загвараа бэлэн болгож байв. Тэгвэл 2017 онд PAL-V компанийнхан “Liberty Pioneer” болон “Liberty Sport” гэсэн хоёр загвартаа захиалга авч үйлдвэрлэж эхэлжээ.
 
Нисдэг автомашин үйлдвэрлэгчдийн мэдээлснээр тэдний бүтээгдэхүүн аюулгүй байдлыг бүрэн хангасан гэнэ. PAL-V компанийнхан захиалагчиддаа нисдэг автомашинаа 2018 оны сүүлээр хүлээлгэж өгнө. Энэ хугацаанд нисдэг автомашинууд сорилтыг бүрэн давж сертификат авах аж.

Компанийн ерөнхий захирал Роберт Дингемансын хэлснээр нисдэг автомашины гол зах зээл нь Хойд Америк болох юм байна. АНУ, Канад, Мексик брдон Бермудын арлаас нисдэг автомашинд олон хүн захиалга өгчээ.

Техник, технологи өндөр хөгжсөн өнөө үед замын түгжрээ эсвэл замгүй газраар нисээд явчихдаг нисдэг автомашин олны хэрэглээ болох нь тодорхой болж байна.
 
Тэгвэл Орост ирэх сарын эхнээс нисдэг автомашин хийх уралдаан зарлахаар болжээ. Оросын инженерүүдийн холбооны дэд ерөнхийлөгч Иван Андриевский энэ тухай мэдээлэв. Нисдэг автомашинаа худалдаанд гаргахаар төлөвлөсөн бөгөөд үнэ нь 200 мянган евро болох юм байна.

Нисдэг автомашин нь хоёр тонноос илүүгүй жинтэй цахилгаан хөдөлгүүртэй, цагт 200 км хүртэл хурдалж чадах аж. Шинжээчдийн үзэж буйгаар 20-50 жилийн дараа нисдэг автомашин хүн бүрийн хэрэгцээг хангах болно гэжээ.


ДЭЛХИЙН ХАМГИЙН ХЯМД МАШИНЫ ДАРААГИЙН ЭРИН


Дэлхийн хамгийн хямд, автомашин болох “Tata Nano"-гийн дараагийн үе хотод тохиромжтой “Tata C-Cube” хөнгөн тэрэг гарлаа. Одоохондоо энэ нь шинэ загвар төдий байгаа ч үйлдвэрлэлд нэвтрэх хугацаа тун удахгүй гэнэ.
 
Гурван хаалгатай энэхүү суудлын тэрэг нь хэлбэр загварын хувьд ч өмнөхөөсөө илүү төгс аж. Мөн “Tata Nano”-гоос илүү тоноглосон бөгөөд ухаалаг гар утсанд зориулсан төрөл бүрийн цэс, системтэй. Моторын хувьд илүү сайжирсан гэж байгаа ч илүү дэлгэрэнгүй мэдээлэл одоогоор алга байна. Ерөнхийдөө илүү дэлгэрэнгүй тайлбар нь одоохондоо нууц хэвээр байна.
 
Шатахуун бага зарцуулдаг хамгийн анхны суудлын тэрэг болох “Nano” 2009 онд гарсан юм. Тухайн үед энэхүү автомашин 2000 ам.доллараар үнэлэгдэж байлаа. Төсөвт хэмнэлтэй энэхүү машиныг боловсруулахад 400 орчим ам.доллар, үйлдвэрлэлийн барилгад илүү их хөрөнгө зарцуулсан бөгөөд cap бүр 15-20 мянган ширхэг “Nano” үйлдвэрлэх ёстой байлаа.



Wednesday, 29 March 2017

Дугуйн хээг зөв сонгох нь

Дэлхий даяар газар зүйн болон цаг уурын хүчин зүйлсээс шалтгаалан дараах стандартуудыг мөрдлөг болгож байна. Үүнд: Ази стандарт / Япон, Солонгос /, Европ стандарт, Америк стандарт, Канад стандарт. Энэхүү стандартууд нь тус бүрдээ өөрийн гэсэн онцлогтой дугуйнуудыг үйлдвэрлэж байдаг.
Монголд хамгийн тохиромжтой стандарт нь Америк болон Канад стандартын дугуйнууд байдаг.Учир нь газар зүйн болон цаг уурын бүсийн хувьд төстэй бүсэд оршдог тул хамгийн тохиромжтой.

Автомашины дугуй дараах үндсэн хээтэй байдаг

  • Өвлийн хээ
  • Зуны хээ
  • Бартаат замын хээ
  • Бүх улирлын хээ
Ихэнх хэрэглэгчид хээний талаар төдийлөн сайн мэддэггүйгээс буруу дугуй авах нь элбэг. Хэрвээ та шинэ дугуй авах гэж байгаа бол ямар замаар явдаг, ямар нөхцөлд ашигладаг гэдгээ сайтар бодолцож сонголтоо хийх нь чухал. Ингээд та бүхэнд дугуйн хээ болон түүний онцлог ямар замд ямар хээтэй дугуй хэрэглэх нь тохиромжтой тухай зөвлөе.

Өвлийн хээ

Энэ төрлийн дугуй нь хийгдсэн материалын хувьд зөөлөн учраас амархан хатуурч хөлддөггүй, хээний зүслэг болон гулгалтын эсрэг ажиллах ажиллагаа алдагддаггүй.
Өвлийн дугуй

Бүх улирлын хээ

Энэ төрлийн хээ нь өвлийн хээтэй дугуйг бодвол арай хатуу. Тийм учраас эдэлгээ удаантай болдог. Ихэнхдээ жийп, кроссовер төрлийн машинуудад ашиглавал тохиромжтой байдаг. Хичнээн M+S буюу шавар цас гэсэн бичигтэй байлаа ч өвлийн дугуйны гулгалтын эсрэг болон ус зайлуулах үүргийн хувьд өвлийн дугуйны хэмжээнд хүрдэггүй.
AT буюу бүх улиралд явах боломжтой хээтэй дугуй. Монголд өргөн хэрэглэгддэг.

Бартаат замын хээ

Зарим хэрэглэгч энэ хээг өвлийн хээтэй андуурах эсвэл харагдах байдлын хувьд гоё сайханд нь татагдаж худалдан авах нь элбэг. Гэвч ийм хээтэй дугуй нь тохирсон замын нөхцөлд л үндсэн үүргээ биелүүлэх бөгөөд бусад тохиолдолд таагүй мэдрэмж үлдээх нь олон.
Жилдээ 4-5 удаа хөдөө явдаг. Явахдаа голчлон засмал замаар явдаг хэрэглэгч нар хөдөө их явдаг гээд ийм хээтэй дугуйг худалдан авах нь олон. Гэвч жилийн ихэнх хугацааг хотод өнгөрүүлдэг бол ийм хээтэй дугуйг худалдан авах нь тохиромжгүй юм. Ийм хээтэй дугуйг зөвхөн шавар бартаа ихтэй авто аялалд явахдаа тавьж яваарай.
MT буюу Шаврын дугуй ч гэдэг. Дотроо хадны, элсний, шаврын гэх мэтээр нарийн задарч болно.

Зуны хээ

Ийм хээтэй дугуйн хийгдсэн материалын хувьд хатуу байдаг. Учир нь халуун асфальт дээр дугуй үрэлт авч элэгдэл хурдан явагддаг. Үүнээс сэргийлж дугуйн бүтцийг хатууруулж эдэлгээний хугацаа болон замтай барьцалдах чадварыг ихэсгэсэн байдаг.


Стартер гэж юу вэ?

Хүйтэнд бид авто машинаа асахгүй байна гээд
маш удаан стартер дардаг. Гэтэл уг эд анги маань мотор асахад цэцэг араа нь буцдаг горимтой. Харин амралт өгөхгүйгээр дарсаар байвад СТАРТЕР шатаж гэмтэнэ.
Стартерыг 15 сек дараад дараа нь 30 сек амраах горимтой байдаг.
Иймд та бүхэн хүйтэнд стартераа хэт их
хүчилж болохгүй шүү.
Ажиллах горимых нь дагуу ашиглавал ашиглалтын хугацаа уртсанааа гэж...

Эйркoндишний хэрэглээ

Сүүлийн үеийн автомашинууд эйр кондишнээр тоноглогдох болсон бөгөөд манай орны хуурай, тоосжилттой нөхцөлд хэрэглэхэд тохиромжтой юм. Зарим хүмүүс эйркондишнийг хэрэглэх нь биед муу мэтээр ярьдаг бөгөөд энэ нь ор үндэсгүй юм. Харин эйр кондишний доторх хөргөлтийн шингэн нь ил задгай үедээ биед нөлөө үзүүлэхээс биш битүүмжлэгдэн ашиглагдаж байх үед аюулгүй. Хамгийн ихээр кондишн хэрэглэдэг япон улс гэхэд л иргэд нь дэлхий дээр хамгийн урт насалж байгаа билээ. Манай зарим хэрэглэгчид эйр кондишнийг бензин илүү иднэ гээд хөдөлгүүрээс нь салгаж авах, ременийг нь мултлах зэргээр салгадаг.
Гэтэл үнэндээ бол салгасан салгаагүй адил бөгөөд кондишнийг хэрэглээгүй үед кондишний насосны дамар хоосон ачаалалгүй эргэж байдаг юм. Бензин илүү иддэг гээд байвал товчлуурыг дарахгүй байхад л болох ба түүнийг хөдөлгүүрээс салгаад байх шаардлага байхгүй. Харин ч салгах үед алдагдах хийд хордох магадлалтай юм. Ингээд эйркондишн хэрэглэх практик аргуудаас дурдъя.
1. Мэдээж дулааны улиралд автомашин тань битүү хаалттай байснаас дотроо бүгчим халуун байгаа. Тийм үед илүү хурдан хөргөхийн тулд асаасны дараа хэсэг хугацаанд цонхоо нээх хэрэгтэй. Зарим жолооч нар хаалттай чигээр нь дан кондишноор сэрүүцүүлдэг. Үүнд хугацаа зарцуулна.
Corbis 42 19622987 2f223
2. Дулаан цагт хотын түгжрээн дунд эйркондишнийг гадна биш дотор агаар дээр тавьж хэрэглэх хэрэгтэй. Учир нь олон автомашинууд бөглөрөн нормальдаж зогссон үед та онгорхой цонхоороо азотын давхар исэл, нүүрс төрөгчтэй агаараар амьсгалж байгаа юм. Тиймээс эрүүл мэндийхээ төлөө жаахан бензин илүү зарцуулахад болохгүй нь юу байхав.
2014 2015 For BMW X5 F15 Front Inner Console Air Condition Twist Switch Button Cover in e0de2
3. Нөгөө талаар агаар үлээлгэх нүхүүдийг зохицуулж ашиглавал илүү хурдан сэрүүцнэ. Тухайлбал та ганцаараа явж байвал зорчигчийн талын агааржуулах нүхүүдийг багасгах эсвэл хааснаар тань руу үлээх хүйтэн агаар хүчтэй болж төвлөрөх юм
4. Салон дотор гаднахаас сэрүүн болж ирэх үед салоны агаарын оролтыг дотор агаар дээр тавьбал илүү хурдан сэрүүхэн болох ба үлээх хүч ч нэмэгддэг. Мэдээж гадна халуу агаарыг хөргөхөөс салоны сэрүүн агаарыг ашиглах нь илүү хурдан. Гэхдээ агаарын солилцоо хийхийн тулд хэсэг хугацаанд гадна агаарыг ашиглах ёстой.
optimized bdf29
5. Жолооч нар ихэвчлэн хамгийн бага температур дээр тавьдаг ба эхэн үедээ ингэж болох ба удаан хугацаагаар явах үед температурыг дээшлүүлэх хэрэгтэй. Хэт хөрснөөс даарч магадгүй юм. Нөгөө талаар эйркондишний насосны ажиллах амрах хугацаа нь тохируулсан температураас хамаарч байдаг.
6. Бороотой өдөр эйркондишн хамгийн хэрэгтэй байдаг. Учир нь гадаа бороо орж сэрүүн болж агаарын чийгшил нэмэгдэхэд салоны дулаан чийгтэй агаар хүйтэн шилэн дээр кондинсацлагдаж шил цантдаг. Иймд гадна температураас бага температуртай агаарыг шил рүү үлээлгэх шаардлагатай тул эйркондишныг ашиглана. Тиймээс бороотой өдөр дулаан хувцаслах хэрэгтэйг анхаараарай.
maxresdefault 78068
7. Эйркондишн хэрэглэж байхад машины гадна урд хянах самбарын харалдаа доор ус дусаж байдаг. Энэ нь эйркондишны салоны хөргөх радиаторт конденсацлагдсан халуун агаараас үүссэн усан дуслууд ус гаргах нарийн хоолойгоор гарч байгаа хэрэг. Үүнд санаа зовох хэрэггүй юм.
8. Эйркондишнийн насос хөдөлгүүрээс эргэлт авч ажилладаг бөгөөд зарим үед хөдөлгүүр ердийн үеийнхээс хүчгүй мэт санагдах нь бий, энэ бол хэвийн ажиллагаа юм. Ялангуяа өгсүүр замд илүү мэдэгддэг. Иймд нэгэн практик бий бөгөөд холын замд явах үед өгсүүр газарт эйркондишнийн товчлуураар салгах ба өгсөөд уруудах юмуу тэгш явах үедээ буцааж залгах зэргээр явж болно. Ингэвэл өгсүүр газарт хүчгүй мэт болохгүй. Өгсөх хооронд салонд халаад бүгчимдээд байх явдал байхгүй бөгөөд нэгэнт хөрсөн салоны радиатор нилээн хугацаанд сэрүүнээ барьдаг.

Таны руль чичирж байна уу?



Байдал : Хөдөлгөөний хурдыг нэмэгдүүлж жигд хурдтай явж байхад, эсвэл тодорхой хурданд хүрээд гарт чичиргээ мэдрэгдэх. Мөн тоормозлох үед чичиргээ мэдрэгдэх.

Шалтгаан :

  1. Урд дугуй хавагнасан
  2. Рулийн тяг,жолооны механизмд холхио үүссэн
  3. Рулийн чичиргээ дарагч амортизатор ажилгүй болсон
  4. Дугуйн баланс алдагдсан
  5. Урд тоормозны диск дайвалзсан

Засварлах :

  1. Дугуйг хэвийн гэмтэлгүй дугуйгаар сольж баланс хийлгэх
  2. Холхио үүссэн эд ангийг сольж тэнхлэг тохиргоо хийлгэх
  3. Рулийн амортизаторийг солих
  4. Дугуйн баланс хийлгэх
  5. Тоормозны дискийг солих

Нүүрсэн эмний гайхалтай ашиг тус



Бидний өдөр тутамдаа хэрэглэдэг нүүрсэн эмийг ахуйн болон гоо сайхандаа ашигтайгаар хэрэглэж болдгийг та мэдэх үү? Зөвхөн ходоод гэдэсний өвчлөлд бус, өөр олон хэлбэрээр ашиглаж болдог байна. Иймд бид та бүхэндээ нүүрсэн эмийг ахуйн нөхцөлд хэрхэн ашиглах  аргуудыг танилцуулъя. Өөрт хэрэгтэй гэж бодсон аргуудаа туршаад үзээрэй.
1.Батга эмчлэх
Арьсаа буруу арчилснаас үүдэж нүүрэнд батга гарах нь, хамгийн том асуудлуудын нэг билээ. Гэвч нүүрсэн эмийг хэрэглэснээр батганаас хялбархан салах боломжтой байна.
Заавар:
-Нэг таблет нүүрсэн эмийг 2 хоолны халбага алое вера гельтэй сайтар холино
-Дараа нь нүүрэн дээрээ нимгэхэн түрхэнэ
-Хаттал нь хүлээх хэрэгтэй
-Дараа нь бүлээн усанд нүүрээ сайтар угаана
-Хэрвээ үр дүн гарахгүй бол энэ аргаар 3-4 өдөр тогтмол туршиж үзээрэй
2.Шүд цайруулах
Шүд шарлах нь хэд хэдэн шалтгаантай байдаг бөгөөд ихэвчлэн тамхи татах болон өвчний улмаас шүд шарладаг байна.
Заавар:
-Нүүрсэн эмээ сайтар нунтагласны дараа шүдний сойзон дээрээ түрхэнэ
-Дараа нь шүдээ энгийн үед угаадаг шигээ угаана
-Угааж дуусмагцаа амаа усаар зайлна
-Аман доторх харлаж буй хэсгийг бүгдийг нь алга болтол угаана
-7 хоногт уг зааврын дагуу 1-2 удаа хийж үзээрэй
3.Шумуул, элдэв шавжны хазалтыг эдгээнэ
Элдэв янзын шавьж болон зөгий таныг хатгасан нөхцөлд нүүрсэн эм хэрэглэх нь өвчнийг намдаах, толбо үлдээхгүй байх ач тустай ажээ.
-Нүүрсэн эмийг наргил модны тостой холино
-Үүний дараа хатгуулсан газраа түрхэнэ
-Сайтар бооно
-Хэсэг хугацааны дараа боолтоо авч үзнэ
-Энэ аргыг үр дүн гартал өдөрт хичнээн ч удаа давтах боломжтой
4.Гэдэс дүүрэхийг зогсоох
Хоол идэхээсээ өмнө нэг ширхэг нүүрсэн эмийг стакантай усаар даруулан ууна
Өдөрт хооллох тоогоороо уг аргыг хэрэглэх нь үр дүнтэй аж
5.Хордлого болохоос сэргийлэх
Нүүрсэн эм нь хордлого болохоос урьдчилан сэргийлэхээс гадна хоолны хордлогыг эмчлэх ач тустай аж.
Насанд хүрсэн хүн 25-100 грамм, харин хүүхэд 25-50 грамм хэмжээтэй нүүрсэн эм хэрэглэх хэрэгтэй
6.Бие дэх холестрины хэмжээг зохицуулах
1986 онд холестрины хэмжээ нь хэт ихэссэн өвчтөнүүдэд дөрвөн 7 хоногийн турш өдөрт 3 удаа 8 грамм нүүрсэн эм өгсөн бөгөөд үр дүнд нь өвчтөнүүдийн холестрины хэмжээ өмнөхөөсөө 25%-иар буурсан байна. Үүнээс хойш хүний бие дэх холестриныг ихэсгэхгүйн тулд нүүрсэн эмийг ашиглах болжээ.
7.Хоол боловсруулах эрхтний тогтолцоог сайжруулах
Заримдаа бид буруу хооллосноос болж хоол боловсруулах эрхтний тогтолцоо алдагдаж, ходоод, гэдэсний янз бүрийн өвчин тусах магадлалтай байдаг. Харин 1985 онд Америкын хэсэг бүлэг эрдэмтэд нүүрсэн эмийг ходоод гэдэсний өвчнөөс урьдчилан сэргийлэх ач тустай болохыг олж илрүүлсэн байна.
Өдрийн болон оройн хоолны өмнө 10 грамм нүүрсэн эмийг хэрэглээрэй
Энэ зааврыг 2 өдөр туршаад үзээрэй
8.Шартуулахгүй байх
Архи, дарс уусны маргааш нь шартах гэдэг том асуудал байдаг билээ. Эмийн сангуудаар шартуулахгүй байх эм, тан асуусан хүмүүс цөөнгүй байдаг нь нууц биш юм. Тэгвэл нүүрсэн эм хэрэглэсэн нөхцөлд маргааш нь шартана гэж айх хэрэггүй ажээ.
9.Бөөрний үйл ажиллагааг дэмжих
2010 онд “Бөөрний дутагдалд орох, бөөрний өрөвслийг эмчлэх” гэсэн сэдвээр эрдэм шинжилгээний ажил хийсэн Саудын Арабын мэргэжил дээшлүүлэх багш нарын судалгаагаар бөөрний өрөвслийг нүүрсэн эм анагаах чадвартай болох нь тогтоогдсон байна. Бөөрөнд дутагдаж байдаг шим тэжээлийг нүүрсэн эм нь өөртөө агуулдаг аж.
10.Тулай өвчнийг эдгээх
Тулай өвчин нь хамгийн зовиуртай мэдрэмжийг хүнд төрүүлдэг бөгөөд хурдан хугацаанд эдгээх нь чухал юм.
Заавар:
-Цайны аяганд хагас хэмжээтэйгээр нүүрсэн эмийг устай хийж холино
-Үүний дараа тулсан хуруугаа сайтар угаана
-Сүүлд нь харласан хэсгийг угааж арилгана
-7 хоногт 2-3 удаа давтахад төсөөлч байгаагүй үр дүн гарах болно.

Monday, 20 March 2017

Жолооч та хянах самбараа бүрэн мэдэх үү


Мэдээд авахад илүүдэхгүй энэ зүйлийг хэвэлж аваад машиндаа хадгалсан ч гэмгүй шүү. Учир нь жолооч та хянах самбартаа юунаас болж ямар гэрэл асаад байгааг мэдэх үү. Тэгвэл танд бид бага боловч тус болохоор нэгэн ийм нэгэн материалыг бэлтгэж сайтандаа орууллаа. Магадгүй найз нөхдөд чинь ч хэрэг болох юм бил үү.


1.     Манангийн урд гэрэл
2.    Жолоодлогын анхааруулах гэрэл
3.    Манангийн арын гэрэл
4.    Угаагч шингэн багассан
5.    Тоормосны жийрэгний анхааруулга /накладк/
6.    Хурдны автомат баригч ажиллаж байна.
7.    Чиглэл заагч
8.    Бороо, гэрлийн мэдрэгч

9.    Өвлийн горим
10.    Мэдээллийн индикатор
11.    Очлуур/дизель урьдчилан халаах анхааруулга
12.    Цангийн анхааруулга
13.    Стартерийн унтраалганы анхааруулга
14.    Түлхүүр байхгүй байна
15.    Түлхүүрийн автомат удирдлаганы зай дуусч байна.
16.    Машин хоорондын зайн анхааруулга


17.    Хоонсны дөрөө дарах
18.    Тоормос дарах
19.    Жолооны хүрдний түгжээний анхааруулга
20.    Холын гэрэл
21.    Дугуйны хий багассан
22.    Хажуугийн гэрлийн тухай мэдээлэл
23.    Гаднах гэрлийн алдаа
24.    Тоормосны гэрлийн анхааруулга
25.    Дизельийн шүүгч фильтерйн анхааруулга

26.    Машины чирэгчийн анхааруулга
27.    Хийн гүүшингийн анхааруулга
28.    Эгнээ замаас гарч буйг анхааруулах гэрэл
29.    Катализаторын анхааруулга
30.    Суудлын бүсээ зүүгээгүй
31.    Машин байрлуулах тоормосны гэрэл
32.    Баттарей
33.    Машин байрлуулах туслагч

34.    Засвар үйлчилгээ шаардлагатай
35.    Тохируулагч гэрэл
36.    Урд гэрлийн хүрээ хянагч
37.    Арын агаар зүсэгчийн анхааруулга
38.    Дэлгэдэг дээврийн анхааруулга
39.    Хийн дэрний анхааруулга
40.    Гар тоормосны анхааруулга


41.    Түлш шүүгч фильтерт ус орсон
42.    Хийн дэр идэвхгүй болсон
43.    Эвдрэл гэмтэл
44.    Ойрын гэрэл
45.    Агаар шүүгч бохирдсон


46.    Түлшинд хэмнэлттэй жолоодох горим
47.    Уулын замд уруудах хяналтын гэрэл
48.    Температурын анхааруулга
49.    Тоормослох үед дугуй зуурахааас сэргийлэх төхөөрөмжийн анхааруулга
50.    Түлш шүүгчийн анхааруулга

51.    Хаалга онгорхой
52.    Капот онгорхой
53.    Түлш багассан
54.    Автомат хурдны хайрцагны анхааруулга
55.    Хурд хязгаарлагч
56.    Амортизатор


57.    Тосны даралт багассан
58.    Салхины шилний цанг арилгах
59.    Багааж онгорхой
60.    Тэнхлэг тохиргоо алдагдсан

61.    Борооны датчик
62.    Хөдөлгүүр/хийн анхааруулга
63.    Арын цонхны цанг арилгах
64.    Салхины шил автоматаар арчих