"Учирт гурвалжин" ххк E-Mail:uchirtgurvaljin@gmail.com

"Учирт гурвалжин" ххк E-Mail:uchirtgurvaljin@gmail.com

Saturday, 26 May 2018

TOYOTA LAND CRUISER 200 МАШИНД ҮҮСДЭГ НИЙТЛЭГ ГЭМТЭЛ

   

        Шинэ үеийн Land Cruiser 200 загварыг цоо шинэ явах эд анги, хөдөлгүүр зэрэгтэйгээр үйлдвэрлэж эхэлсэн. Гол онцлогуудаас дурдвал хуучин лоомон гарыг ашиглахаа больж урд тэнхлэгийг пүрштэй болгосон, зэрэглэлтэй өндөртэй загваруудад KDSS буюу тэнхлэгийн явалтыг энгийнээс илүү суналттай болгох системийг суурилуулсан, Ланд 100 болон Лексус 470-аас илүү бахим гар, рулын шарнертэй, рамны бат бэх чанар, зузаан нь нэмэгдсэн байв. Хэдий ингэж сайжирсан ч гэсэн ашиглалтын явцад доорх эвдрэлүүд гардгийг мэдэхэд илүүдэхгүй.

Амартизатор

Шинэ хөдөлгүүртэй (дизель мотор) жин ихтэй болсноор урд тэнхлэгт ирэх ачаалал ихсэж явдалдаа савалгаатай мэдрэгддэг сул талтай. Энэ нь хот доторх замд төдийлөн мэдрэгдэхгүй байдаг. Өөрийн амартизатороор удаан явсан (40,000 км дээш) бол тос хаяхгүй ч ажиллагаа суларсан байдаг. Иймээс жолооч хэрэглээнээс хамаарч энгийн эсвэл спорт амартизатороор сайжруулж тавьж болно. Хэрвээ та ихэвчлэн хөдөө явдаг бол спорт буюу шороон замд тохирсон амартизатор суурилуулбал савалгаа багатай.

 Рулийн хөндлөн аппарат

Эхэнд үйлдвэрлэгдсэн загваруудын хувьд рулын аппаратаар тос хөлрөх согог одооноос илрэх болсон. Шалтгаан нь хүйтэн нөхцөлд рулын аппаратанд ачаалал өгснөөр царцсан эд ангийн ачаалал даралтыг даалтыг тос алдаж, хөлрүүлдэг. Засварлахын тулд хөндлөн аппаратыг комоор нь солихоос наашгүй учир нь сальникууд нь дангаараа борлуулагдахаа байсан. Тиймээс засварын зардал өндөртэй. Мөн рулын хөндлөн аппаратны лап резин хагарах, цуурах, бяцарсан байдалтай оношлогдох нь түгээмэл болсон. Ингэснээр руль салгалах шинж тэмдэг хөдөлгөөний үед мэдрэгддэг. Энэ үед мөн л рулын хөндлөн аппаратыг комоор нь солих шаардлагатай.
ABS мэдрэгч
Урд хойд тэнхлэгийн ABS тоормосны системийн утас илэвтэр байрлалтай байдаг. Хөдөө замд гадны хүчин зүйлсээс болж утас тасарснаас болж хянах самбар дээр ABS/VSC/4Lo индикаторууд анивчиж мэдэгддэг. Засварлахын тулд ABS-ийн утсыг шинээр солих шаардлагатай.
Цаапны шаарик
Өмнөх үеийн TOYOTA Ланд Круйзер 80 болон 100 шиг цаапны шаарикыг нь тайлж тослох, үйлчилгээ хийх боломжгүй үйлдвэрийн цутгалттай болсон. Тиймээс аль болох гамтай, ачаалал бага өгөхөөр явах хэрэгтэй. Үүний тулд гол усаар их гарахгүй, усанд удаан зогсохгүй байх, аль болох хөнгөн жин багатай дугуй хэрэглэх шаардлагатай. Хэрвээ таны шаарик эвдэрсэн бол оригинал бүтээгдэхүүн хэрэглэж 2 дахин зардал, ажил болохоос сэргийлээрэй.
Тэнцүүлэгч, даравч резин
Хэрвээ таны машины амортизатор, гар, өндгөн тулгуур хэвийн атлаа дуугараад байвал хэвтээ тэнцүүлэгчийн даравч резин муудсан байх магадлалтай байдаг.
ШАРИК
Бензин хөдөлгүүрийн хувьд олон шариктай болсон. Хэрэглээний явцад муудаж хүнгэнэсэн дуу ордог. Энэ үед заавал шинээр оригинал шаарикаар солиулах шаардлагатай.
Бензин насос, шүүр
Том мотортой хөдөлгүүрийн форсункны ажиллагаа нарийн технологитой болж улмаар бензин насосны даралт сайжирч, шүүрний шүүх чадвар нарийссан. Бохирдол ихтэй бензин хэрэглэвэл шүүрийг бөглөж насосны ажиллагааг хүндрүүлэх бөгөөд үүнээс үүдэн хөдөлгүүр бензинээр дутагдаж хүчгүй болох нь мэдрэгддэг. Энэ нь зуны халуунд бүр их мэдрэгддэг. Учир нь бензин халуунд сийрэгжиж+насосны дутуу шахалт нөлөөлнө. Харин сэрүүн нөхцөлд энэ догол мэдрэгдэхгүй болдог.

Friday, 25 May 2018

Mitsubishi i-MiEV


2012 онд худалдаж авч болох хамгийн хэмнэлттэй машинаар Mitsubishi i-MiEV машин нэрлэгдэж байгаа юм. Түлшийг маш бага хэмжээгээр зарцуулах энэ машин доторх зайн хувьд тийм ч том биш. Mitsubishi i-MiEV машин хот дотор 41.66 км, хурдны зам дээр 55.27 км замыг туулах юм.

Toyota Prius



Гэр бүлийн машин байхад хангалттай хэмжээний доторх зай бүхий Toyota Prius машин нь манай гаригийн хамгийн ухаалаг энергийн эх үүсвэртэй машинуудын нэг юм. Toyota Prius машин хот дотор 21.68 км, хурдны зам дээр 20.41 км зам туулах чадвартай.

Lexus CT200h


Lincoln CT200h хэмээх энэхүү гайхамшигт машин нь нэг литр шатахуунаар 18.28/17.01 км замыг туулах чадвартай. Холимог хөдөлгүүртэй, маш гайхалтай загвар бүхий Lincoln CT200h машин нь манай гаригийн хамгийн хүчирхэг, хамгийн хэмнэлттэй машинуудын нэг болоод байгаа юм.

2012 Honda Insight

Honda Insight машин бол Toyota Prius машинтай мөнхийн өрсөлдөгч байсаар ирсэн. Honda Insight машин нь үнэ болон шатахууны зарцуулалтаараа гайхагдаж байгаа ба нэг литр шатахуунаар 17.43/18.71 км замыг туулах аж. Маш гялгар, гайхалтай загвартай болсон Honda Insight 2009 оноос хойш худалдаанд байсан загваруудаас тэс өөр болсныг тодруулбал, гадаад болон дотор тал, хурд авалт болон хурдлах чадварын хувьд бүрэн өөрчлөгдсөн байна.

2012 Toyota Camry

2012 Toyota Camry

Энэхүү жагсаалтын хамгийн сүүлд бичигдэж байгаа Toyota Camry машин нь нэг литр шатахуунаар хот дотор 18.28 км замыг, хурдны зам дээр 16.58 км замыг туулах чадвартай бөгөөд гадаад байдал, загварын хувьд маш гайхалтай. 2012 оны Toyota Camry машин нь хийнээс эхлээд цахилгаан энергиэр хөдлөх хамгийн шилдэг функцтэй. Шинэ оны Toyota Camry машин LE болон XLE гэсэн хоёр загвартайгаар бүтээгджээ.


ӨӨРИЙГӨӨ ЖОЛООДДОГ АЧААНЫ МАШИН

Жолоочгүй ачааны машин нь 7 хоногийн 24 цаг зогсолтгүй бараа тээвэрлэх боломжтой нь хүний удирддаг машинуудтай харьцуулахад эдийн засгийн хувьд маш их хэмнэлттэй гэсэн үг юм. Хэдийгээр хэрэглээнд гарах хараахан болоогүй ч хөгжүүлж буй компани нь аль хэдийн 200 км зайд ачаа тээвэрлэх туршилтыг амжилттай хийж гүйцэтгээд амжжээ.

Дэлгэрэнгүй унших


Prius Худалдаж Авахдаа Анхаарах 11 Зөвлөгөө

     Өнөөдөр манай техникийн зах, автомашин худалдаалах цэгүүдээр шинэ болон хуучин автомашинууд худалдаалагдаж байгаа. Ингээд хуучин буюу ашиглаж байсан автомашин худалдан авахдаа анхаарах 11 зүйлсийн талаар зөвлөе. 

Зөвлөгөө 1: 
Автомашины талаар өргөн мэдлэггүй хүний анхаарвал зохих нэг зүйл бол худалдан авах гэж буй машиныг тань засварладаг дагнасан засварын газар болон сэлбэг хэрэгслийн дэлгүүр байгаа юу гэдэг их чухал. Өнөөдөр Улаанбаатарт маш олон засварын газрууд байгаа боловч дагнасан засварын газар гэвэл Тоеота компаний албан ёсны борлуулагч “Хэт” компани, Мерседес Бенцийн албан ёсны борлуулагч “Эм Эс Эм”, Ниссаны “Моннис”, “Форд”, “Монгол Хьюндай Киа” гээд хуруу дарам цөөхөн байна. Эдгээр нь бүгд дагнан засвар үйлчилгээ хийдэг. Харин Хонда, Мазда гэх мэт өөр маркын автомашинуудыг засахад сэлбэг нь олдохгүй, явдал чирэгдэл ихтэй, өндөр үнэтэй болдог. Мэдээж урьд нь ашиглаж байсан учраас эвдрэл гарч л таараа. Тиймээс шинэ машин мэт сэтгэж болохгүй. Авах шэж буй машинаа унаад засварын газруудад хандаж, мэргэжлийн хүмүүсээр шинжлүүлэхэд илүүдэхгүй. 

Зөвлөгөө 2: 
Таны анхаарах ёстой зүйл бол дугуйны чанар байдлыг бас хээг хар. Нэгэнт л худалдан авалт хийж байгаа юм бол сайн дугуйтай машин авах хэрэгтэй. “За тэр дугуй яахав, дараа нь худалдаад авчихъя” гэж бодож болохгүй. Дөрвөн шинэ дугуй авахад бас л хөөрхөн зардал болно доо. 

Зөвлөгөө 3:
Хөдөлгүүрийн гадна талд хир их бохирдолт буюу тостой байгааг ажигла. Үзэж мэдэх амархан шүү дээ. 

Зөвлөгөө 4:
Машинаа асаагаад яндангаас гарч байгаа утааны хэмжээг хар. Хар утаа ихээр хаяж байгаа машин тодорхой хэмжээний эвдрэлтэй байна гэсэн үг. Утаа гэдэг бол автомашины хөдөлгүүр ямар байгааг илэрхийлдэг нэг үзүүлэлт. Гарч буй утааны хэмжээ их байвал уг машин цаашид явцгүй гэдгийг мэдэхэд илүүдэхгүй. Тэгээд ч энэ нь байгаль орчинд сөрөг нөлөөтэй. 

Зөвлөгөө 5:
Дараагийн нэг анхаарах зүйл гэвэл автомашины жолоог эгц байрлуулсны дараа машинаа урдаас нь харж, дугуй нь голлож байгаа эсэхийг хар. Дугуй нь дотогшоо эсвэл, гадагшаа налсан байна уу гэдгийг сайтар хараарай. Дугуй хазайсан байдлыг тавилтын өнцөг гэдэг. Тавилтын өнцөг алдагдсан машины дугуйны элэгдэл хурдан байдаг. Дугуй солих хугацаа болоогүй байхад дугуй нь түрүүлээд элэгддэг. Мөн маневр хийх чадвар нь мууддаг. 

Зөвлөгөө 6:
Машинаа унаж үзэх хэрэгтэй. Ойр зуур шороон замаар явж үзээд дуу шуу нь хир байгааг дүгнэж үзээрэй. Мөн баруун, зүүн тийш эргэх маневр нь хир байна гэдгийг шалгаад үзэхэд гэмгүй. 
Зөвлөгөө 7:
Машины өнгө будаг. Машины их бие болох кузовт зураас хонхорхой байна уу, будганд орж байсан эсэх гэх мэтийг сайтар шалгаж харах хэрэгтэй. 

Зөвлөгөө 8: 
Тухайн машин үйлдвэрлэгдсэн оныг суудлын бүрээсэн дээр бичсэн байдаг. Түүгээр нь тухайн машин хэдэн онд үйлдвэрлэгдсэн болохыг мэдэж болно. Мөн ямар ч автомашин пайзтай байдаг. Тус пайз нь копутны арын хэсэгт буюу салхины шилний ойролцоо хадагдсан байгаа пайзан дээр тухайн машины үйлдвэрлэгдсэн он, автомашины өнгөний кодыг бичсэн байдаг. 

Зөвлөгөө 9:
Монголд орж байгаа ихэнхи автомашинууд Хонконг, Солонгос, Америк, Япон, Арабын зарим нэг улсууд, цөөн тохиолдолд Европын улсуудаас орж ирсэн байдаг. Эдгээр улсуудаас орж ирж байгаа машинууд тус тусын онцлогтой. Жишээ нь, Солонгосоос орж ирж байгаа машинууд нь зардал багатай, сэлбэг хямд, олдоц ихтэйн дээр түлшний зарцуулалт бага байдаг. Харин Америкаас иирж байгаа машинууд түлшийг ч нэг ууж өгнө дөө. Ер нь Америкчууд автомашиныг хэр их шатахуун хэрэглэж байгаагаар нь бус найдвартай байдлаар нь үнэлдэг. Бас том хэмжээтэй, зай ихтэй машинд дурлацгаадаг улс. Тиймээс арга ч үгүй биз. Харин Араб гэх мэт дулаан орноос орж ирсэн автомашинууд “эйр кондишн” буюу сэрүүцүүлэгчтэй байдаг мөртлөө дулаацуулах паар байдаггүй. Үүнээс болж худалдан авагч өвөл машиныхаа хэргийг гаргаж чаддаггүй. Нэгэнт өөрийн сонголтоо хийгээд худалдан авч байгаа болохоор та ичиж зовохгүй машинаа сайтар үзэж, шалгах хэрэгтэй. Мэдэхгүй бол мэддэг хүн дагуулж очоод үзүүл, эсвэл засварын газар авч ирээд үзүүлсэн ч болно. 

Зөвлөгөө 10:
Солонгос машины хувьд зардал бага, үнэ хямд. Шатахууны зарцуулалт бусад машинуудыг бодвол арай бага. Мөн сэлбэг нь олдоц ихтэйн дээр үнэ нь хямд. Гэхдээ Солонгос машин болгоныг хямд гэж ойлгож болохгүй. Монголд оруулж ирдэггүй болохоос биш, үнэтэй дээд зэрэглэлийн машинууд бий. Гэхдээ монголын замын нөхцлөөс шалтгаалаад Солонгос автомаш ин эвдэрч, дуу орохдоо амархан байдаг гэж ярьдаг. Энэ нь зарим тохиолдолд үнэн. Ер нь “чанар дагаж үнэ” гэж онож хэлсэн үг. Сүүлийн үеийн автомашины үйлдвэрлэлийн онцлог бол ашиглаж байгаа материалын орц өөрчлөгдсөн явдал юм. Хуучны автомашинуудын кузовны төмөр их зузаан байсан. Урьд нь автомашины их биеийг 100% төмрөөр хийдэг байсан бол өнөөдөр 80% нь төмөр, 20% нь хуванцар болсон. Энэ нь нэг талаар техникийн дэвшилт болж, хэрэглэгчид хямд өртөгтэй, хөнгөн буюу шатахуун бага зарцуулдаг машин худалдан авах боломж бүрдсэн ч манай замын нөхцөл байдал шинэ үеийн машинуудад халгаатай байна. 

Зөвлөгөө 11:
Япон автомашин үйлдвэрлэл, хийц, чанарын хувьд Солонгосынхоос арай илүү, эдэлгээ урттай байдаг. Гэхдээ Япон автомашины сэлбэг харьцангуй үнэтэй байдаг. Үүний ихэнхи хувийг тээврийн зардал эзэлдэгтэй холбоотой. Хүмүүс аль ч улсад үйлдвэрлэсэн автомашин унаж болох ч эдлэж хэрэглэж байгаа хүний арчилгаа тордолтоос тухайн автомашин хэд наслах нь шууд хамааралтай.