"Учирт гурвалжин" ххк E-Mail:uchirtgurvaljin@gmail.com

"Учирт гурвалжин" ххк E-Mail:uchirtgurvaljin@gmail.com

Wednesday, 29 March 2017

Дугуйн хээг зөв сонгох нь

Дэлхий даяар газар зүйн болон цаг уурын хүчин зүйлсээс шалтгаалан дараах стандартуудыг мөрдлөг болгож байна. Үүнд: Ази стандарт / Япон, Солонгос /, Европ стандарт, Америк стандарт, Канад стандарт. Энэхүү стандартууд нь тус бүрдээ өөрийн гэсэн онцлогтой дугуйнуудыг үйлдвэрлэж байдаг.
Монголд хамгийн тохиромжтой стандарт нь Америк болон Канад стандартын дугуйнууд байдаг.Учир нь газар зүйн болон цаг уурын бүсийн хувьд төстэй бүсэд оршдог тул хамгийн тохиромжтой.

Автомашины дугуй дараах үндсэн хээтэй байдаг

  • Өвлийн хээ
  • Зуны хээ
  • Бартаат замын хээ
  • Бүх улирлын хээ
Ихэнх хэрэглэгчид хээний талаар төдийлөн сайн мэддэггүйгээс буруу дугуй авах нь элбэг. Хэрвээ та шинэ дугуй авах гэж байгаа бол ямар замаар явдаг, ямар нөхцөлд ашигладаг гэдгээ сайтар бодолцож сонголтоо хийх нь чухал. Ингээд та бүхэнд дугуйн хээ болон түүний онцлог ямар замд ямар хээтэй дугуй хэрэглэх нь тохиромжтой тухай зөвлөе.

Өвлийн хээ

Энэ төрлийн дугуй нь хийгдсэн материалын хувьд зөөлөн учраас амархан хатуурч хөлддөггүй, хээний зүслэг болон гулгалтын эсрэг ажиллах ажиллагаа алдагддаггүй.
Өвлийн дугуй

Бүх улирлын хээ

Энэ төрлийн хээ нь өвлийн хээтэй дугуйг бодвол арай хатуу. Тийм учраас эдэлгээ удаантай болдог. Ихэнхдээ жийп, кроссовер төрлийн машинуудад ашиглавал тохиромжтой байдаг. Хичнээн M+S буюу шавар цас гэсэн бичигтэй байлаа ч өвлийн дугуйны гулгалтын эсрэг болон ус зайлуулах үүргийн хувьд өвлийн дугуйны хэмжээнд хүрдэггүй.
AT буюу бүх улиралд явах боломжтой хээтэй дугуй. Монголд өргөн хэрэглэгддэг.

Бартаат замын хээ

Зарим хэрэглэгч энэ хээг өвлийн хээтэй андуурах эсвэл харагдах байдлын хувьд гоё сайханд нь татагдаж худалдан авах нь элбэг. Гэвч ийм хээтэй дугуй нь тохирсон замын нөхцөлд л үндсэн үүргээ биелүүлэх бөгөөд бусад тохиолдолд таагүй мэдрэмж үлдээх нь олон.
Жилдээ 4-5 удаа хөдөө явдаг. Явахдаа голчлон засмал замаар явдаг хэрэглэгч нар хөдөө их явдаг гээд ийм хээтэй дугуйг худалдан авах нь олон. Гэвч жилийн ихэнх хугацааг хотод өнгөрүүлдэг бол ийм хээтэй дугуйг худалдан авах нь тохиромжгүй юм. Ийм хээтэй дугуйг зөвхөн шавар бартаа ихтэй авто аялалд явахдаа тавьж яваарай.
MT буюу Шаврын дугуй ч гэдэг. Дотроо хадны, элсний, шаврын гэх мэтээр нарийн задарч болно.

Зуны хээ

Ийм хээтэй дугуйн хийгдсэн материалын хувьд хатуу байдаг. Учир нь халуун асфальт дээр дугуй үрэлт авч элэгдэл хурдан явагддаг. Үүнээс сэргийлж дугуйн бүтцийг хатууруулж эдэлгээний хугацаа болон замтай барьцалдах чадварыг ихэсгэсэн байдаг.


Стартер гэж юу вэ?

Хүйтэнд бид авто машинаа асахгүй байна гээд
маш удаан стартер дардаг. Гэтэл уг эд анги маань мотор асахад цэцэг араа нь буцдаг горимтой. Харин амралт өгөхгүйгээр дарсаар байвад СТАРТЕР шатаж гэмтэнэ.
Стартерыг 15 сек дараад дараа нь 30 сек амраах горимтой байдаг.
Иймд та бүхэн хүйтэнд стартераа хэт их
хүчилж болохгүй шүү.
Ажиллах горимых нь дагуу ашиглавал ашиглалтын хугацаа уртсанааа гэж...

Эйркoндишний хэрэглээ

Сүүлийн үеийн автомашинууд эйр кондишнээр тоноглогдох болсон бөгөөд манай орны хуурай, тоосжилттой нөхцөлд хэрэглэхэд тохиромжтой юм. Зарим хүмүүс эйркондишнийг хэрэглэх нь биед муу мэтээр ярьдаг бөгөөд энэ нь ор үндэсгүй юм. Харин эйр кондишний доторх хөргөлтийн шингэн нь ил задгай үедээ биед нөлөө үзүүлэхээс биш битүүмжлэгдэн ашиглагдаж байх үед аюулгүй. Хамгийн ихээр кондишн хэрэглэдэг япон улс гэхэд л иргэд нь дэлхий дээр хамгийн урт насалж байгаа билээ. Манай зарим хэрэглэгчид эйр кондишнийг бензин илүү иднэ гээд хөдөлгүүрээс нь салгаж авах, ременийг нь мултлах зэргээр салгадаг.
Гэтэл үнэндээ бол салгасан салгаагүй адил бөгөөд кондишнийг хэрэглээгүй үед кондишний насосны дамар хоосон ачаалалгүй эргэж байдаг юм. Бензин илүү иддэг гээд байвал товчлуурыг дарахгүй байхад л болох ба түүнийг хөдөлгүүрээс салгаад байх шаардлага байхгүй. Харин ч салгах үед алдагдах хийд хордох магадлалтай юм. Ингээд эйркондишн хэрэглэх практик аргуудаас дурдъя.
1. Мэдээж дулааны улиралд автомашин тань битүү хаалттай байснаас дотроо бүгчим халуун байгаа. Тийм үед илүү хурдан хөргөхийн тулд асаасны дараа хэсэг хугацаанд цонхоо нээх хэрэгтэй. Зарим жолооч нар хаалттай чигээр нь дан кондишноор сэрүүцүүлдэг. Үүнд хугацаа зарцуулна.
Corbis 42 19622987 2f223
2. Дулаан цагт хотын түгжрээн дунд эйркондишнийг гадна биш дотор агаар дээр тавьж хэрэглэх хэрэгтэй. Учир нь олон автомашинууд бөглөрөн нормальдаж зогссон үед та онгорхой цонхоороо азотын давхар исэл, нүүрс төрөгчтэй агаараар амьсгалж байгаа юм. Тиймээс эрүүл мэндийхээ төлөө жаахан бензин илүү зарцуулахад болохгүй нь юу байхав.
2014 2015 For BMW X5 F15 Front Inner Console Air Condition Twist Switch Button Cover in e0de2
3. Нөгөө талаар агаар үлээлгэх нүхүүдийг зохицуулж ашиглавал илүү хурдан сэрүүцнэ. Тухайлбал та ганцаараа явж байвал зорчигчийн талын агааржуулах нүхүүдийг багасгах эсвэл хааснаар тань руу үлээх хүйтэн агаар хүчтэй болж төвлөрөх юм
4. Салон дотор гаднахаас сэрүүн болж ирэх үед салоны агаарын оролтыг дотор агаар дээр тавьбал илүү хурдан сэрүүхэн болох ба үлээх хүч ч нэмэгддэг. Мэдээж гадна халуу агаарыг хөргөхөөс салоны сэрүүн агаарыг ашиглах нь илүү хурдан. Гэхдээ агаарын солилцоо хийхийн тулд хэсэг хугацаанд гадна агаарыг ашиглах ёстой.
optimized bdf29
5. Жолооч нар ихэвчлэн хамгийн бага температур дээр тавьдаг ба эхэн үедээ ингэж болох ба удаан хугацаагаар явах үед температурыг дээшлүүлэх хэрэгтэй. Хэт хөрснөөс даарч магадгүй юм. Нөгөө талаар эйркондишний насосны ажиллах амрах хугацаа нь тохируулсан температураас хамаарч байдаг.
6. Бороотой өдөр эйркондишн хамгийн хэрэгтэй байдаг. Учир нь гадаа бороо орж сэрүүн болж агаарын чийгшил нэмэгдэхэд салоны дулаан чийгтэй агаар хүйтэн шилэн дээр кондинсацлагдаж шил цантдаг. Иймд гадна температураас бага температуртай агаарыг шил рүү үлээлгэх шаардлагатай тул эйркондишныг ашиглана. Тиймээс бороотой өдөр дулаан хувцаслах хэрэгтэйг анхаараарай.
maxresdefault 78068
7. Эйркондишн хэрэглэж байхад машины гадна урд хянах самбарын харалдаа доор ус дусаж байдаг. Энэ нь эйркондишны салоны хөргөх радиаторт конденсацлагдсан халуун агаараас үүссэн усан дуслууд ус гаргах нарийн хоолойгоор гарч байгаа хэрэг. Үүнд санаа зовох хэрэггүй юм.
8. Эйркондишнийн насос хөдөлгүүрээс эргэлт авч ажилладаг бөгөөд зарим үед хөдөлгүүр ердийн үеийнхээс хүчгүй мэт санагдах нь бий, энэ бол хэвийн ажиллагаа юм. Ялангуяа өгсүүр замд илүү мэдэгддэг. Иймд нэгэн практик бий бөгөөд холын замд явах үед өгсүүр газарт эйркондишнийн товчлуураар салгах ба өгсөөд уруудах юмуу тэгш явах үедээ буцааж залгах зэргээр явж болно. Ингэвэл өгсүүр газарт хүчгүй мэт болохгүй. Өгсөх хооронд салонд халаад бүгчимдээд байх явдал байхгүй бөгөөд нэгэнт хөрсөн салоны радиатор нилээн хугацаанд сэрүүнээ барьдаг.

Таны руль чичирж байна уу?



Байдал : Хөдөлгөөний хурдыг нэмэгдүүлж жигд хурдтай явж байхад, эсвэл тодорхой хурданд хүрээд гарт чичиргээ мэдрэгдэх. Мөн тоормозлох үед чичиргээ мэдрэгдэх.

Шалтгаан :

  1. Урд дугуй хавагнасан
  2. Рулийн тяг,жолооны механизмд холхио үүссэн
  3. Рулийн чичиргээ дарагч амортизатор ажилгүй болсон
  4. Дугуйн баланс алдагдсан
  5. Урд тоормозны диск дайвалзсан

Засварлах :

  1. Дугуйг хэвийн гэмтэлгүй дугуйгаар сольж баланс хийлгэх
  2. Холхио үүссэн эд ангийг сольж тэнхлэг тохиргоо хийлгэх
  3. Рулийн амортизаторийг солих
  4. Дугуйн баланс хийлгэх
  5. Тоормозны дискийг солих

Нүүрсэн эмний гайхалтай ашиг тус



Бидний өдөр тутамдаа хэрэглэдэг нүүрсэн эмийг ахуйн болон гоо сайхандаа ашигтайгаар хэрэглэж болдгийг та мэдэх үү? Зөвхөн ходоод гэдэсний өвчлөлд бус, өөр олон хэлбэрээр ашиглаж болдог байна. Иймд бид та бүхэндээ нүүрсэн эмийг ахуйн нөхцөлд хэрхэн ашиглах  аргуудыг танилцуулъя. Өөрт хэрэгтэй гэж бодсон аргуудаа туршаад үзээрэй.
1.Батга эмчлэх
Арьсаа буруу арчилснаас үүдэж нүүрэнд батга гарах нь, хамгийн том асуудлуудын нэг билээ. Гэвч нүүрсэн эмийг хэрэглэснээр батганаас хялбархан салах боломжтой байна.
Заавар:
-Нэг таблет нүүрсэн эмийг 2 хоолны халбага алое вера гельтэй сайтар холино
-Дараа нь нүүрэн дээрээ нимгэхэн түрхэнэ
-Хаттал нь хүлээх хэрэгтэй
-Дараа нь бүлээн усанд нүүрээ сайтар угаана
-Хэрвээ үр дүн гарахгүй бол энэ аргаар 3-4 өдөр тогтмол туршиж үзээрэй
2.Шүд цайруулах
Шүд шарлах нь хэд хэдэн шалтгаантай байдаг бөгөөд ихэвчлэн тамхи татах болон өвчний улмаас шүд шарладаг байна.
Заавар:
-Нүүрсэн эмээ сайтар нунтагласны дараа шүдний сойзон дээрээ түрхэнэ
-Дараа нь шүдээ энгийн үед угаадаг шигээ угаана
-Угааж дуусмагцаа амаа усаар зайлна
-Аман доторх харлаж буй хэсгийг бүгдийг нь алга болтол угаана
-7 хоногт уг зааврын дагуу 1-2 удаа хийж үзээрэй
3.Шумуул, элдэв шавжны хазалтыг эдгээнэ
Элдэв янзын шавьж болон зөгий таныг хатгасан нөхцөлд нүүрсэн эм хэрэглэх нь өвчнийг намдаах, толбо үлдээхгүй байх ач тустай ажээ.
-Нүүрсэн эмийг наргил модны тостой холино
-Үүний дараа хатгуулсан газраа түрхэнэ
-Сайтар бооно
-Хэсэг хугацааны дараа боолтоо авч үзнэ
-Энэ аргыг үр дүн гартал өдөрт хичнээн ч удаа давтах боломжтой
4.Гэдэс дүүрэхийг зогсоох
Хоол идэхээсээ өмнө нэг ширхэг нүүрсэн эмийг стакантай усаар даруулан ууна
Өдөрт хооллох тоогоороо уг аргыг хэрэглэх нь үр дүнтэй аж
5.Хордлого болохоос сэргийлэх
Нүүрсэн эм нь хордлого болохоос урьдчилан сэргийлэхээс гадна хоолны хордлогыг эмчлэх ач тустай аж.
Насанд хүрсэн хүн 25-100 грамм, харин хүүхэд 25-50 грамм хэмжээтэй нүүрсэн эм хэрэглэх хэрэгтэй
6.Бие дэх холестрины хэмжээг зохицуулах
1986 онд холестрины хэмжээ нь хэт ихэссэн өвчтөнүүдэд дөрвөн 7 хоногийн турш өдөрт 3 удаа 8 грамм нүүрсэн эм өгсөн бөгөөд үр дүнд нь өвчтөнүүдийн холестрины хэмжээ өмнөхөөсөө 25%-иар буурсан байна. Үүнээс хойш хүний бие дэх холестриныг ихэсгэхгүйн тулд нүүрсэн эмийг ашиглах болжээ.
7.Хоол боловсруулах эрхтний тогтолцоог сайжруулах
Заримдаа бид буруу хооллосноос болж хоол боловсруулах эрхтний тогтолцоо алдагдаж, ходоод, гэдэсний янз бүрийн өвчин тусах магадлалтай байдаг. Харин 1985 онд Америкын хэсэг бүлэг эрдэмтэд нүүрсэн эмийг ходоод гэдэсний өвчнөөс урьдчилан сэргийлэх ач тустай болохыг олж илрүүлсэн байна.
Өдрийн болон оройн хоолны өмнө 10 грамм нүүрсэн эмийг хэрэглээрэй
Энэ зааврыг 2 өдөр туршаад үзээрэй
8.Шартуулахгүй байх
Архи, дарс уусны маргааш нь шартах гэдэг том асуудал байдаг билээ. Эмийн сангуудаар шартуулахгүй байх эм, тан асуусан хүмүүс цөөнгүй байдаг нь нууц биш юм. Тэгвэл нүүрсэн эм хэрэглэсэн нөхцөлд маргааш нь шартана гэж айх хэрэггүй ажээ.
9.Бөөрний үйл ажиллагааг дэмжих
2010 онд “Бөөрний дутагдалд орох, бөөрний өрөвслийг эмчлэх” гэсэн сэдвээр эрдэм шинжилгээний ажил хийсэн Саудын Арабын мэргэжил дээшлүүлэх багш нарын судалгаагаар бөөрний өрөвслийг нүүрсэн эм анагаах чадвартай болох нь тогтоогдсон байна. Бөөрөнд дутагдаж байдаг шим тэжээлийг нүүрсэн эм нь өөртөө агуулдаг аж.
10.Тулай өвчнийг эдгээх
Тулай өвчин нь хамгийн зовиуртай мэдрэмжийг хүнд төрүүлдэг бөгөөд хурдан хугацаанд эдгээх нь чухал юм.
Заавар:
-Цайны аяганд хагас хэмжээтэйгээр нүүрсэн эмийг устай хийж холино
-Үүний дараа тулсан хуруугаа сайтар угаана
-Сүүлд нь харласан хэсгийг угааж арилгана
-7 хоногт 2-3 удаа давтахад төсөөлч байгаагүй үр дүн гарах болно.

Monday, 20 March 2017

Жолооч та хянах самбараа бүрэн мэдэх үү


Мэдээд авахад илүүдэхгүй энэ зүйлийг хэвэлж аваад машиндаа хадгалсан ч гэмгүй шүү. Учир нь жолооч та хянах самбартаа юунаас болж ямар гэрэл асаад байгааг мэдэх үү. Тэгвэл танд бид бага боловч тус болохоор нэгэн ийм нэгэн материалыг бэлтгэж сайтандаа орууллаа. Магадгүй найз нөхдөд чинь ч хэрэг болох юм бил үү.


1.     Манангийн урд гэрэл
2.    Жолоодлогын анхааруулах гэрэл
3.    Манангийн арын гэрэл
4.    Угаагч шингэн багассан
5.    Тоормосны жийрэгний анхааруулга /накладк/
6.    Хурдны автомат баригч ажиллаж байна.
7.    Чиглэл заагч
8.    Бороо, гэрлийн мэдрэгч

9.    Өвлийн горим
10.    Мэдээллийн индикатор
11.    Очлуур/дизель урьдчилан халаах анхааруулга
12.    Цангийн анхааруулга
13.    Стартерийн унтраалганы анхааруулга
14.    Түлхүүр байхгүй байна
15.    Түлхүүрийн автомат удирдлаганы зай дуусч байна.
16.    Машин хоорондын зайн анхааруулга


17.    Хоонсны дөрөө дарах
18.    Тоормос дарах
19.    Жолооны хүрдний түгжээний анхааруулга
20.    Холын гэрэл
21.    Дугуйны хий багассан
22.    Хажуугийн гэрлийн тухай мэдээлэл
23.    Гаднах гэрлийн алдаа
24.    Тоормосны гэрлийн анхааруулга
25.    Дизельийн шүүгч фильтерйн анхааруулга

26.    Машины чирэгчийн анхааруулга
27.    Хийн гүүшингийн анхааруулга
28.    Эгнээ замаас гарч буйг анхааруулах гэрэл
29.    Катализаторын анхааруулга
30.    Суудлын бүсээ зүүгээгүй
31.    Машин байрлуулах тоормосны гэрэл
32.    Баттарей
33.    Машин байрлуулах туслагч

34.    Засвар үйлчилгээ шаардлагатай
35.    Тохируулагч гэрэл
36.    Урд гэрлийн хүрээ хянагч
37.    Арын агаар зүсэгчийн анхааруулга
38.    Дэлгэдэг дээврийн анхааруулга
39.    Хийн дэрний анхааруулга
40.    Гар тоормосны анхааруулга


41.    Түлш шүүгч фильтерт ус орсон
42.    Хийн дэр идэвхгүй болсон
43.    Эвдрэл гэмтэл
44.    Ойрын гэрэл
45.    Агаар шүүгч бохирдсон


46.    Түлшинд хэмнэлттэй жолоодох горим
47.    Уулын замд уруудах хяналтын гэрэл
48.    Температурын анхааруулга
49.    Тоормослох үед дугуй зуурахааас сэргийлэх төхөөрөмжийн анхааруулга
50.    Түлш шүүгчийн анхааруулга

51.    Хаалга онгорхой
52.    Капот онгорхой
53.    Түлш багассан
54.    Автомат хурдны хайрцагны анхааруулга
55.    Хурд хязгаарлагч
56.    Амортизатор


57.    Тосны даралт багассан
58.    Салхины шилний цанг арилгах
59.    Багааж онгорхой
60.    Тэнхлэг тохиргоо алдагдсан

61.    Борооны датчик
62.    Хөдөлгүүр/хийн анхааруулга
63.    Арын цонхны цанг арилгах
64.    Салхины шил автоматаар арчих





Sunday, 19 March 2017

Татвар нэмэхээс өмнө “Приус” авбал таван сая төгрөг хэмнэх нь

Татвар нэмэхээс өмнө “Приус” авбал таван сая төгрөг хэмнэх нь


“Нүдээ аниад нэг машин оноход тэр нь приус, жолооч нь СТА, бас  годон гуталтай байна”гэсэн онигоог та сонссон л биз дээ. Бидний хэтийдсэн хийрхэл, туйлшралыг ийн ёжлосон байж болох ч “Приус” (Toyota Prius)-ын тухайд тэр бол жирийн монголчуудын амьдралд яах аргагүй дэм болж буй унаа. Хос тэжээлт (hybrid) автомашин учраас байгаль орчинд ээлтэй зэргийг нь үнэлж онцгой албан татвараас чөлөөлсөн болоод ч тэр үү түүнийг дундаж амьдралтай иргэд худалдан авч болохуйц үнэтэй байдаг. Авсан хойноо ч эдийн засагт хэмнэлттэйг нь монголчууд байтугай дэлхий андахгүй. Тэгвэл тун удахгүй “Приус” онцгой албан татвартайболох нь (Онцгой албан татвараас 100 хувь чөлөөлдөг байсан бол 50 хувь чөлөөлөхөөр ярьж буй). Ер нь “Приус” гэлтгүй насжилтаас нь хамаарч жижиг оврын автомашины онцгой албан татварыг 3-15, хөдөлгүүрийн цилиндрийн багтаамж нь 4501 см.кубээс илүү бол үйлдвэрлэсэн оноос хамааруулан 40-250 хувиар нэмэгдүүлэхээ Сангийн сайд Б.Чойжилсүрэн мэдэгдээд буй.
Энэ бол улс орны эдийн засаг, төсөв, санхүүгийн хүндрэлтэй байдалтай холбоотойгоор Засгийн газраас ОУВС-гийн “Өргөтгөсөн санхүүжилтийн хөтөлбөр” хэрэгжүүлэхээр урьдчилан тохиролцсон асуудлуудын хүрээнд цохиж яваа зүйл. Суудлын автомашинаас гадна тамхи, шатахуун зэргийн онцгой болон хувь хүний орлогыналбан татвар гэхчилэн нийт долоон төрлийн татварын хувь, хэмжээг нэмэгдүүлнэ гэж байгаа. ОУВС-тай тохиролцсон асуудлуудаа тусгасан хуулийн төслүүдийг Сангийн яамныхан боловсруулж, УИХ-д өргөн барихад бэлэн болсон тухайгаа Б.Чойжилсүрэн сайд мэдээлээд буй. Монгол Улсад “Өргөтгөсөн санхүүжилтийн хөтөлбөр” хэрэгжүүлэх эцсийн шийдвэрийг ОУВС-гийн Захирлуудын зөвлөл гаргах бөгөөд ирэх сар гарахаас урьтаж УИХ хуралдан, эдгээр хуулийг батлах ёстой. Өөрөөр хэлбэл, Монгол Улс ОУВС-тай тохиролцсоноо хуульчилж, албан ёсны болгоход ердөө хоёр долоо хоногийн хугацаа үлдээд байна.
Энэ бүх шийдвэр иргэдэд хамгийн их хамаатай. Тэр дундаа жижиг оврын автомашины онцгой албан татварыг нэмэгдүүлэх нь автомашин худалдан авахаар төлөвлөж буй олон хүний сонголт, шийдвэрт нөлөөтэй. Манай улсын автомашины импортын (Япон улсаас оруулж ирдэг) зах зээлийн 70-80 хувь нь хайбрид (hybrid) бөгөөд тэдгээрийн бараг 90 орчим хувь нь “Приус”. Харин энэ төрлийн автомашины онцгой албан татварыг 100 хувь чөлөөлж байснаа больж, 50 хувиар хөнгөлснөөр үнэд нь нэлээд өөрчлөлт орно. Худалдаачид нэг автомашины үнэд дунджаар 0.5-1 сая төгрөгийн ашиг нэмж худалддаг жишигтэй аж. Тиймээс энэ салбарын эрэлт, нийлүүлэлт болоод цаашдын хандлага, худалдан авагчдад зөвлөмж болох зарим зүйлийн талаар 1000mashin.mn автомашин худалдаа, үйлчилгээний цахим системийн гүйцэтгэх захирал Ц.Одбаяртай ярилцлаа.

-Татварын нэмэгдэл иргэдийн нийтлэг сонголт болон автомашины үнэд хэрхэн нөлөөлөх бол?
-Манайхан ихэвчлэн үйлдвэрлэгдээд 4-6, 7-9 жил болсон “Приус” сонгодог. Энэхүү нэмэгдлийг үйлдвэрлэсэн он болон хөдөлгүүрийн цилиндрийн багтаамжаас шалтгаалан мөнгөн дүнгээр тооцвол 1.5-5 сая төгрөг хүртэл болохоор байгаа юм. Өөрөөр хэлбэл, энд яригдаж буй хувилбараар хуулиа баталбал өдгөө зах зээлд борлуулж буй үнээс даруй тэр хэмжээгээр нэмэгдэнэ гэсэн үг. Үүнээс гадна худалдаачид алдагдлаа нөхөхийн тулд тодорхой хэмжээний үнэ нэмэхийг үгүйсгэхгүй. Татвар нэмэх шийдвэрүүдийг ирэх долдугаар сарын 1-нээс хэрэгжүүлэхээр төлөвлөж байгаа. Нөгөө талаас зургаа, долдугаар сард автомашины борлуулалт нэлээд өсдөгийг хэрэглэгчид анхаарахад илүүдэхгүй. Мэдээж эрэлт дагаад үнэ тодорхой хэмжээгээр өсдөг. Өөрөөр хэлбэл, автомашин худалдан авах гэж байгаа бол татварын нэмэгдэл болон улирлын чанартай эрэлтийг тооцон, эдгээрээс урьтаж сонголтоо хийгээрэй гэж хэлэх гээд байна л даа. Наанадаж ирэх сар, цаад тал нь энэ улиралдаа багтаад автомашин худалдан авснаар багагүй хэмнэлт хийх болов уу.      
-Тэгэхээр автомашин худалдан авахаар төлөвлөж буй хүмүүст юу гэж зөвлөх вэ?
-Ялангуяа хайбрид төрлийн тэр дундаа “Приус”-10 (20) маркийн автомашин сонирхож байгаа хүмүүсийн хувьд яаравчилсан нь дээр. Дээр дурдсан хүчин зүйлээс шалтгаалан энэ төрлийн “Приус”-үүд одоо 8-11 сая төгрөгөөр зарагдаж буй. Онцгой албан татварынх нь хувь, хэмжээ нэмэгдсэнээр үнэ нь бараг 2-5 сая хүртэл төгрөгөөр нэмэгдэхээр болчихож байгаа юм. Одоогийн нөхцөлд шийдвэрээ эрт гаргах тусам илүү үр өгөөжтэй болж чадна гэсэн үг. Тиймээс хэрэглэгчдэдээ энэ сардаа буюу татвар нэмэхээс өмнө амжиж худалдан аваарай гэж зөвлөе. Энэ хугацаанд амжсанаараа та чанартай автомашиныг хямд байхад нь авна. Үйлдвэрлэсэн он, бусад үзүүлэлтээс шалтгаалан бараг таван сая хүртэл төгрөг хэмнэх боломжтой.
-Зах зээлийн хандлага болоод та бүхний зөвлөгөөг харгалзан ойрын үед энэ төрлийн автомашины эрэлт нэмэгдвэл манай зах зээлийн нийлүүлэлт хэр хангалттай байгаа бол. Тухайлбал, танай компанийн хувьд?
-Бид Японы автомашины зах зээлд тэргүүлэгч, хамгийн том “BEFORWARD” (Японд дуудлага худалдаа болдог 100 гаруй газраас автомашин худалдан авч агуулах дээрээ байршуулан, Араб, Зүүн болон Төв Ази, Америк, Европын 100 гаруй орон руу импортлодог) компанийн албан ёсны төлөөлөгчөөр ажиллаад олон жил болж байна. Яг нарийн тооцож үзээгүй ч 1000mashin.mn цахим системийн хувьд Монголд худалдаалж буй Япон автомашины 30-аас доошгүй хувийг нийлүүлдэг. Сард 1000 гаруй япон автомашин нийлүүлэх бололцоо бидэнд бий. Тиймээс ч бид тухайн сарын зах зээлийн судалгаа болон манай 1000mashin.mn цахим хуудсанд ирсэн хүсэлтэд үндэслэн автомашинуудаа импортлодог учраас өмнөх сарын үлдэгдэл гэж бараг байдаггүй. Гэхдээ татвар нэмэгдэхтэй холбоотойгоор нэлээд нөөц бүрдүүлсэн. Нөгөө талаас зургаа, долдугаар сард автомашины борлуулалт нэлээд өсдөг.
-Улс орон мөнгөгүй байна гэдэг иргэд мөнгөгүй байна гэсэн үг. Богино хугацаанд, амжиж автомашинтай болохыг хүссэн хүмүүст санхүүгийн асуудал бүр ч амаргүй байх болов уу?
-Бидний хувьд арилжааны бүх банк болон банк бус санхүүгийн 30 гаруй байгууллагатай хамтран ажиллаж, лизингийн үйлчилгээ санал болгож байгаа. Хамгийн багадаа сарын 1.6 хувийн хүү санал болгож буй. Урьдчилгаа төлбөр нь 15-30 хувь байх жишээтэй. Мөн дугаараа авчихсан автомашиныг лизингээр худалдах ажлыг ХААН банктай хамтран эхлүүлэх гэж байна. Тухайн хүн унаж яваа автомашинаа манай 1000mashin.mn хуудсанд худалдах зарыг байршуулахаас авахуулаад түүнийг банкаар үнэлүүлэх, буцаагаад хэрэглэгчийн хүсэлтийг үндэслэн харилцагч байгууллагуудад санал болгох, зээлийн материал бүрдүүлэх зэрэг бүхий л үйл ажиллагааг компьютерийнхээ араас шийдвэрлэх боломж бүрдүүлсэн нь бидний үйлчилгээний давуу тал юм. Өөрөөр хэлбэл, хэрэглэгч автомашин борлуулах гэж байгаа бол мэдээллээ онлайнаар дамжуулж, байршуулаад, түүнд нь мөн онлайнаар лизинг олгох нөхцөл үүсгэж байгаа юм. Улмаар худалдан авагч сонголтоо хийчихвэл лизингийн хүсэлтээ мөн л онлайнаар хийгээд шийдвэрлэх юм. Уг үйлчилгээгээ энэ сарын 20-ноос албан ёсоор эхэлнэ.
-Татвар нэмснээр манай автомашины худалдааны зах зээл хэр өөрчлөгдөх бол?
-Татварыг автомашины насжилтаас хамааран харилцан адилгүй нэмэгдүүлэхээр ярьж буй. Одоо ч үүнийг харгалзаж буй. Өөрөөр хэлбэл, үйлдвэрлэгдээд олон жил болсон байх тусам татварын хэмжээ өндөр байна. Нэгэнт татвартай холбоотойгоор автомашины үнэ нэмэгдэх нь тодорхой тул иргэдийн худалдан авалтад ч нөлөөлнө. Тэгэхээр худалдаачид аль болох бага татвар төлөхийн тулд үйлдвэрлэсэн оны хувьд нэлээд “залуу” автомашинуудыг түлхүү оруулж ирж болох юм.

Авто зөвлөгөө: Автомашины аккумуляторын ашиглалт

Аккумулятор
Акумулятор нь хөдөлгүүрийг анхлан асаах, энерги хангах систем ажиллаж эхлээгүй, төхөөрөмжөөс гарах энерги хангалтгүй байх үед хэрэглэгчийг цахилгаанаар хангадаг. Автомашин явж байгаа үед генератороос/жанам/ цэнэглэгдэж, генератортой хамт цахилгаан үүсгүүр болдог.
Аккумуляторын бүтэц:
Энгийн акумлятор хасах, нэмэх туйлт хуудас, тусгаарлагч, акумляторын шингэн, эдгээрийг багтаасан гэрнээс бүтдэг. Автомашины акумляторын баканд оногдох хасах хуудасны тоо ихэвчилэн 3~6 байдаг. Дээд тал нь 20-иод ширхэг байдаг. Хуудасны тоо олон болох тусам акумляторын хэмжээ томордог.
Аккумуляторын шингэний тухай:
Аккумуляторын хэрэглэгддэг шингэн нь хүхрийн хүчил, нэрмэл усны хольц байдаг. Аккумкляторын хасах, нэмэх хуудаснууд тус тусдаа химийн урвалд орж, цахилгаан үүсгэж, цэнэглэхээс гадна, бакны хэсгийн цахилгаан гүйдлийг гүйлгэх үүрэгтэй байдаг. Аккумклятор гүйцэд цэнэглэгдсэн байх үед шингэний темпратур 200С, нягтрал 1.8 байдаг.
MF аккумулятор гэж энгийн акумляторыг бодвол өөрийн цэнэгээ алдах нь бага, ашиглах явцад бараг ус нэмэх шаардлагагүй аккумкляторыг хэлнэ. Бүтцийн хувьд энгийн аккумклятортой адилхан байдаг ч хавтаснууд кальцийн хар тугалган хайлшаар хийгдсэнээрээ ялгаатай.
MF аккумулятор дотроо нээлттэй, хаалттай гэж байдаг. Нээлттэй хэлбэрт нь бүтцийн хувьд энгийн аккумулятортой бараг адилхан. Хаалттай хэлбэрт нь тусгай тусгаарлагч, туйлт хавтан, тусгаарлагч чийгшүүлэгч шингэнтэй, ваакум бүтэцтэй байдаг. Дотор нь үүссэн хий туйлт хавтанд шингэх зориулалттай. Ажиллах явцад шингэн багасна, шингэн нэмнэ гэсэн асуудал байхгүй.
Багтаамж: ихэвчилэн акумляторын багтаамж гэдэг нь бүрэн цэнэглэгдсэн акумляторыг цэнэгтэй үеэсээ бага хүчдэлтэй болтлоо цэнэгээ алдахыг багтаамж гэнэ. Цэнэг алдалтын гүйдэл, цэнэг алдах цахилгаан хоёрын талбай, ампер,цаг-р (Ah;ampere.hour) илэрхийлэгддэг. Багтаамж (ah)=цэнэг алдах гүйдэл (A) ● цэнэг алдах цаг (h) Жишээ нь: 5.6А гүйдэлтэй үед цэнэг алдалт эцэслэх гүйдэлтэй болтлоо залгагдсан 5 цагт цэнэг алдаж дууссан гэж үзвэл, энэ үед акумляторын багтаамж 5.6(А)●5(h)=28 (ah) болно гэсэн үг.
Хүчлийн акумляторын шингэнийг заасан түвшинд байгаа эсэхийг нягтлаж, дундарсан бол нэрмэл ус хийдэг. Өвлийн улиралд шингэн нэмэх бол нэмсэн шингэн хөлдөхөөс сэргийлэн шууд цэнэглэх хэрэгтэй.
MF хэлбэрийн акумляторт шингэн нэмэх шаардлагагүй, хэрэв тагийг нээвэл агаарт байгаа хүчилтөрөгч, нэмэх туйлт хуудасны бодис химийн урвалд орж акумляторын шинж чанарыг алдагдуулдаг.
Аккумуляторын ашиглалт болон хадгалалт:
Аккумуляторыг -50°С-аас +50°С хэмийн нөхцөлд хадгална.
Сар бүр шингэний нягтралыг шалгаж байх. Хэрэв нягтрал нь 1.26-1.28-аас 0.03г/см-ээс ихээр унасан, гүйдэл нь 12.5В-оос доош 10.5В-оос дээш байх тохиолдолд аккумуляторыг дахин цэнэглэнэ. Цэнэглэхдээ аккумуляторын багтаамжийн Ah 10% -тай тэнцэх ампераар аккумуляторын банк тус бүрийн тагийг онгойлгож цэнэглэнэ. Жишээ нь: 55Ah аккумуляторыг 5.5 Ah-р гэх мэт
Цэнэглэсэн аккумуляторын шингэний нягтрал 1.28+/- 0.01г/см3 гүйдэл нь 12.6В-с багагүй байна. Цэнэглэх явцад шингэн хэт их уурших +55°С –ээс дээш халах аль нэг банкны шингэн буцалсан тохиолдолд аккумуляторыг цэнэглэгч аппаратнаас салгаж цаашид ашиглахгүй.
– Аккумуляторын бэхэлгээ найдвартай эсэхийг шалгана.Ашиглаж байгаа болон хадгалаж байгаа аккумуляторыг 2 долоо хоногт 1 удаа шалгаж үйлчилгээ хийж байна.
  • – Нэмэх хасах шон дээр клим сайн боогдсон эсэхийг шалгана.
  • – Аккумуляторын агааржуулалтын сүвийг цэвэрлэж байна.
  • – Шингэний түвшин хэвийн байгаа эсэх. Шингэн дундарсан тохиолдолд нэрмэл ус хийх бөгөөд хүйтний улиралд хөдөлгүүрийг асаалттай үед усыг нэмнэ.
  • – Шингэн дундарч пластинк ил гарснаас болж пластинк хатуурч аккумуляторын багтаамж болон стартерийн ампер багасдаг.
  • – Ашиглаж байсан аккумуляторыг 4 сар хүртэл хугацаагаар хадгалж болно.
Анхааруулга:
1. Акумялторын ачаалалтай үеийн цэнэг (гэрэл, прожектор, хөгжим, тв, бусад..,) 11 вольт, электролитийн нягтрал нь 1.26~1.28 гм/см3 байдаг.
2. Аккумуляторын жигд ажиллагаа нь цахилгаан хувиарлах реле, динам, стартер, хөдөлгүүр, цахилгааны монтажаас шууд хамаарна. Хэрэв динамнаас гарч буй хүчдэл 13.8В-с бага бол аккумуляторыг цэнэглэж чадахгүй. Мөн релений тохиргоо алдагдсан , эвдэрсэн үед аккумуляторыг хэт их хүчдэлээр цэнэглэвэл акумляторын шингэн ширгэж, пластинк хатуурна. Үүний улмаас аккумулятор буудах аюултай. Хөдөлгүүрийн динамнаас акумляторт өгөх хэвийн хүчдэл нь 14,2 вольт байдаг.
3. Акумялторыг суулгахгүйн тулд 1 минутын амралттайгаар 15 секундээс илүүгүй хугацаагаар стартер дарна. Хүйтэн үед (-180C дээш) удаан хугацаагаар стартер дарах акумлятор цэнэгээ алдах үндсэн нөхцөл болдог.
4. Акумлятор цэнэг алдах бүрт шингэний нягтрал унаж байдгийг анхаарна уу.